Foto: https://ortcom.kz/
Osyǵan baılanysty Salalyq kelisimge 9.4-tarmaq engizilgen, oǵan sáıkes zeınetkerlik jasqa tolǵan pedagogpen eńbek sharty atalǵan negiz boıynsha onyń qalaýymen oqý jyly aıaqtalǵannan keıin ǵana buzylady. Mundaı jaǵdaılarda qoldanystaǵy eńbek shartyna qosymsha kelisim resimdeýdiń qajettiligi joq.
Soǵan qaramastan zeınet jasyna jetken pedagogtardy oqý jyly aıaqtalmaı jatyp jumystan bosatý jaǵdaılary áli de kezdesedi. Osyndaı jaıt Jambyl oblysy Jýaly aýdanynda boldy. Kásipodaqtyń aralasýynan keıin pedagog jumysqa qaıta ornalastyryldy. Jýaly aýdandyq sotynyń bıylǵy jyldyń 12 mamyrdaǵy sheshimi men ujymdyq shart normalaryn saqtaý máselesi boıynsha dırektorǵa qatysty shyǵarylǵan jeke uıǵarym Salalyq kásipodaqtyń resmı saıtynda jarııalandy. Jambyl oblysy Jýaly aýdandyq soty azamattyq isti qarady. Sotqa talap qoıýshy jaǵyndaǵy úshinshi tarap retinde «Jambyl oblysy oqý-aǵartý, ǵylym jáne joǵary bilim qyzmetkerleriniń jergilikti kásiptik odaǵy» qoǵamdyq birlestigi pedagogtiń quqyǵyn qorǵady. Talap qoıýshy:
- «№4-shi Qurmanbek Saǵyndyqov atyndaǵy orta mektebi» kommýnaldyq memlekettik mekemesiniń 2024 jylǵy 31 jeltoqsandaǵy №264 buıryǵyn zańsyz dep tanyp, buzý týraly.
- Osy kommýnaldyq memlekettik mekemesiniń 2025 jylǵy 27 qańtardaǵy №30 sandy «№264 buıryǵyna tolyqtyrýlar engizý týraly» buıryǵyn zańsyz dep tanyp, buzý týraly.
- Jumysyna qaıta ornalastyryp, májbúrli túrde bos júrgen ýaqyty úshin ortasha jalaqyny óndirý týraly.
- Moraldyq zııan somasyn óndirý týraly talap aryzyn túsirdi.
Jýaly aýdandyq soty talap qoıýshynyń talaptaryn ishinara qanaǵattandyryp, tarıh pániniń muǵalimi qyzmetine qaıta oraldy.
Talap qoıýshynyń paıdasyna 2024 jyldyń 31 jeltoqsanynan 2025 jylǵy 12 mamyr aralyǵyndaǵy májbúrli túrde bos júrgen ýaqyty úshin ortasha jalaqysy ıaǵnı 2 100 328 (eki mıllıon bir júz myń úsh júz jıyrma segiz) teńge somasy óndirildi.
