Fýtbol klýby baspasóz qyzmetiniń aqparatyna súıensek, qazaqstandyq 43 jastaǵy jattyqtyrýshy Pavlodar oblysynda týǵan. Fýtboldaǵy mansabynda «Jetisý» (Taldyqorǵan), «Vostok» (О́skemen), «Taraz» jáne «Esil-Bogatyr» (Petropavl) klýbtarynda qorǵaýshy, jartylaı qorǵaýshy bolǵan.
«Bapker retinde almatylyq «Qaırat» fýtbol klýbynyń qurylymynda, «Jetisý», «Maqtaaral» jáne «Aqsý» fýtbol komandalarynda qyzmet atqardy. Denıs Nıkolaevıch qazirge deıin 21 jasqa deıingi Qazaqstan jastar quramasynyń aǵa bapkeri boldy. Maýsymnyń basynda «Atyraýǵa» qaıta oralǵan ol burynǵy bas bapker Konstantın Gorovenkonyń kómekshisi bolǵan edi», dep málimdedi klýbtyń baspasóz qyzmeti.
