Foto: Aqorda
Kezdesýde geologııalyq barlaý, ken ıgerý jáne metall óńdeý salalaryndaǵy yntymaqtastyq perspektıvasy talqylandy. Prezıdentke Qazaqstandaǵy Shý-Sarysý mys basseıninde aýqymdy geologııalyq barlaý jumystarynyń bastalǵany jóninde málimet berildi. Ivanhoe Mines kompanııasy buǵan deıin atalǵan ýchaskedegi qazba baılyqtaryn zertteýge 18,7 mıllıon dollar bólgenin jáne ınvestısııa kólemin 4 jylda 115 mıllıon dollarǵa deıin ulǵaıtýǵa nıetti ekenin habarlaǵan edi.
Robert Frıdland bul jobany júzege asyrý barysynda ozyq aerogeofızıkalyq tehnologııalar men málimetterdiń sıfrlyq taldaýyn paıdalaný josparlanyp otyrǵanyn jetkizdi. Onyń aıtýynsha, Qazaqstannyń mys ıgerý tarıhyndaǵy eń aýqymdy jobany iske asyrý álemdegi osy rýdany óńdeý isinde jańa perspektıvaǵa jol ashady.
