Jaz qyzyǵy bastaldy

Osyǵan oraı qaladaǵy №2 Oqýshylar saraıy balalar­dyń jaz­ǵy demalysyn qyzyq­ty ári tıimdi ótkizý úshin 10 kún­dik lager qyzmetin uıymdastyrdy. Me­keme basshysy Danııar Egiz­baevtyń aıtýynsha, 1 maýsymnan tamyzǵa deıin 5 kezeń boıynsha 625 oqýshy lagerde demala alady. Sondaı-aq ár kezeń boıynsha 25 baladan bes top Oqýshylar saraıyndaǵy túrli úıirmege qa­tysyp, lagerdegi kúnderin qy­zyqty ótkizbek. Munda jetkinshekter sýret salyp, sporttyq jat­tyǵýlar jasap, qolónermen aına­lysyp, mobılografııa men robot­tehnıkanyń qyr-syryn meńgeredi.

«Jazǵy demalysta balalar qydy­­ryp oınaǵysy keledi. Ata-analar tańerteńnen keshke deıin jumysta bolǵandyqtan, olar kóbinese kóshe men aýladaǵy oıyn alańdaryna barady. Qa­la berdi kúni boıy ǵalamtor aq­taryp, telefon shuqylaıdy. Son­dyqtan oqýshylardyń bos ýaqytyn paıdaly iske jumsaý úshin mekeme janynan jazǵy lager ashyp otyrmyz. Oǵan Shymkent qalasyndaǵy kez kelgen jetkinshek jazyla alady. Bizdiń lager balalarǵa unaıdy dep oılaımyn. О́ıtkeni on kúndik dema­lysty qyzyqty ári este qala­tyndaı etip ótkizýge barymyzdy salamyz», dedi Oqýshylar sara­ıynyń basshysy D.Egizbaev.

Bul bilim oshaǵy 2023 jyly ashylǵan. Qazir qaladaǵy eń zamanaýı Oqýshylar saraıy sanalady. Munda ǵylymı baǵyttaǵy túrli zerthana jumys isteıdi.

Shymkent qalasynyń bilim basqar­­masy taratqan málimetke súıensek, shaharda memlekettik jáne jeke­menshik 290 mektep tirkelgen. Munda 270 myńnan as­tam oqýshy bilim alady. Bıyl bilim basqarmasy balalardyń jazǵy demalysyn tıimdi uıym­das­tyrýǵa kóńil bólip otyr. Ási­rese mektep janyndaǵy úıirme­ler men aýla sport klýbtaryna erekshe mán bermek.

«Negizinde balalardy mektepten tys qosymsha bilimmen qamtý úshin Oqýshylar saraıyn kóbeıtý qajet. Ázirge qalada osyndaı úsh mekeme bar. Jospar boıynsha shahardyń ár aýda­nynan bir-bir Oqýshylar saraıyn ashý kózdelgen edi. Áleýmettik máseleni sheshýge memleket tarapynan keıingi jyldary jaqsy kóńil bólinip keledi. Sondyqtan qalada zamanaýı Oqýshylar saraıy­nyń sany arta túsedi degen senimdemiz. Mektepten tys qosymsha bilim uıymdary kóp bolsa, kanıkýl kezin­de bala­lardyń jazǵy demalys­taryn uıymdastyrýǵa da jaqsy», deıdi D.Egizbaev.

Sondaı-aq Shymkent qala­synyń tótenshe jaǵdaılar departamenti jýyr­da arnaıy brıfıng uıymdastyryp, ata-analarǵa balalaryn qaraýsyz qaldyr­maýdy eskertti. Depar­tament mamandary­nyń aıtýynsha, qalada qaýipti dep tanylǵan 13 sý kózi bar. Sondyqtan sho­mylý naýqany kezinde depar­tament qalalyq ákimdikpen bir­lesip, birqatar qaýipsizdik is-sha­ralaryn uıymdastyryp otyr.

ShYMKENT