Astana halyqaralyq forýmy: Senimdi dıalog alańy

Aldymen Prezıdent Fran­­sııa syrtqy saýda delegat-mı­nıstri Loran Sen-Martenmen, Fran­sııa Ulttyq assambleıasy she­t­el­dik ister jónindegi komıs­­sııa­sy­nyń prezıdenti Brýno Fýks­pen, sondaı-aq «EDF», «SUEZ» jáne «Sanofi» kompanııalarynyń jetekshilerimen kezdesti.

Prezıdent Fransııa Qazaq­stannyń Eýropa Odaǵy elderi arasyndaǵy negizgi saýda jáne ınvestısııalyq seriktesi ekenin atap ótti. Keıingi jyldary ekijaqty saýda kólemi jáne elimizge keletin fransýz ınves­tısııasy udaıy artyp keledi. Bul ekonomıkalyq baılanystardy nyǵaıtýǵa taraptardyń ortaq umtylysyn baıqatady. Mem­leket basshysy osyndaı oń dın­amı­kany saqtaý qajet ekenin aıtty.

Qasym-Jomart Toqaev 17 keli­simge qol qoıylǵan qazaq-fran­­­sýz bıznes-forýmynyń nátı­­jesin joǵary baǵalap, ýaǵda­las­tyqtardy ýaqtyly oryndaýdyń mańyzyna nazar aýdardy. Áńgimelesý barysynda energetıka, atom ónerkásibi, densaýlyq saqtaý, farmasevtıka, sý resýrs­taryn basqarý jáne basqa da salalarda ózara yqpaldastyqty damytý máseleleri talqylandy.

Mem­leket basshysy oraıly sátti paıdalana otyryp, Fran­sııa Prezıdenti Emmanıýel Makron­ǵa ystyq yqylasyn joldady.

Loran Sen-Marten Asta­naǵa 40-tan astam fransýz kompa­nııasynyń jetekshileri kel­genin, ártúrli salany qamtıtyn ujymdar elimizben iskerlik baılanystardy ilgeriletýge nıetti ekenin jetkizdi.

О́tken jyldyń qorytyn­dysy boıynsha Qazaqstan men Fran­sııa arasyndaǵy saýda aına­lymy­nyń kólemi 5,5 mlrd dollar­ǵa jetti. Bul taýar aınalymy­nyń 31 paıyzǵa ulǵaıǵanyn kórse­tedi. 2005 jyldan 2024 jylǵa de­ıin Fransııanyń elimizge quı­ǵan tikeleı ınvestısııa kólemi 20 mlrd dollardy qurady.

*  *  *

Sonymen qatar Prezıdent Qasym-Jomart Toqaev Birikken Arab Ámirlikteriniń Energetıka jáne ınfraqurylym mınıstri Sýheıl ál-Mazýrımen kezdesti.

Memleket basshysy Abý-Dabıdiń Taq murageri Haled ben Mu­hammed ben Zaıd Ál Nahaıan­­men Astanadaǵy kezdesýin yqy­laspen eske aldy. Onyń aıasynda nátıjeli kelissózder júrgi­zilip, jalpy quny 5 mlrd dollar­dy quraıtyn 20-dan astam kommer­sııalyq kelisimge qol qoıyldy.

Sýheıl ál-Mazýrı Astana halyq­aralyq forýmynyń jo­ǵary deń­geıde uıymdastyrylǵa­nyn atap ótip, qonaqjaı­lyq tanytqany úshin Qaza­qstan tarapyna alǵys aıtty.

Qasym-Jomart Toqaev pen Sýheıl ál-Mazýrı joǵary deńgeıde jasalǵan ýaǵdalastyqtardy júzege asyrýdyń naqty joldaryn, sonyń ishinde ekijaqty taýar aınalymyn 1 mlrd dollarǵa deıin ulǵaıtý bastamasyn talqylady. Mınıstrdiń aıtýynsha, Ámirlikter Abý-Dabı Taq murageriniń Qazaqstanǵa sapary kezinde qol qoıylǵan kelisimderdi oryndaýǵa belsene kirisip ketken.

Kezdesý barysynda energetıka, aýyl sharýashylyǵy jáne kólik salalaryndaǵy yqpaldastyqtyń ózekti máseleleri qarastyryldy.

*  *  *

AIF alańynda Prezıdent Qasym-Jomart Toqaev Mıgrasııa jónindegi halyqaralyq uıymnyń – BUU kóshi-qon jónindegi agenttiginiń bas dırektory Emı Poýpty qabyldady.

Áńgimelesý barysynda mıgrasııa boıynsha yntymaqtastyqtyń jaı-kúıi, mıgranttardyń quqyǵyn qorǵaý jáne Uıymnyń 2024–2028 jyldarǵa arnalǵan strategııalyq jospary sheńberin­degi ózara yqpaldastyq máseleleri talqylandy.

Memleket basshysy elimiz zańsyz kóshi-qon problemalaryn sheshý, adam saýdasyna qarsy is-qımyl jáne shetelderde eńbek etetin qazaqstandyqtardyń quqyǵyn qorǵaý baǵyttarynda belsendi jumys júrgizetinin aıtty.

Emı Poýp Qazaqstannyń Almaty prosesine 2025–2027 jyldardaǵy tóraǵa­lyǵynyń mańyzyn atap ótti. Bul – aımaqtyq dıalogti ilgeriletýge jáne Ortalyq Azııadaǵy kóshi-qonǵa baı­la­nys­ty problemalardyń sheshimin birle­sip izdeý sharalaryn úılestirýge yqpal etetin konsýltatıvtik platforma.

Qasym-Jomart Toqaev pen Emı Poýp yntymaqtastyqty odan ári tereńdetýge, sondaı-aq ınstıtýsıonaldy áleýetti nyǵaıtýǵa jáne aımaqtaǵy kóshi-qondy ornyqty basqarýǵa yqpal etý maqsatynda ozyq tájirıbelermen almasýǵa ýaǵdalasty.

*  *  *

Memleket basshysy Qasym-Jomart Toqaev Aýǵanstan ónerkásip jáne saý­da mınıstriniń mindetin atqarýshy Nýrıddın Azızıdi qabyldady.

Kezdesýde Qasym-Jomart Toqaev Qazaqstan Aýǵanstandy aımaqta­ǵy mańyzdy seriktes retinde qarastyra­tynyn jáne eki el arasynda senim men yntymaqtastyqty odan ári nyǵaıtýǵa nıetti ekenin atap ótti. Memleket basshysynyń aıtýynsha, elimiz Aýǵanstanda ornyqtylyq pen qaýipsizdiktiń ornaýyna múddeli. Bul aımaqtyń ıgiligi jolynda aýǵan memleketiniń áleýetin paıdalanýǵa múmkindik beredi.

О́zara baılanystardy qalpyna kelti­rý maqsatynda Qazaqstannyń úkimettik delegasııasy Kabýlǵa eki ret bardy.

Nýrıddın Azızı Qazaqstannyń halyqaralyq uıymdarda Aýǵanstan taqyrybyn dáıekti túrde ilgerile­tip kele jatqany jáne gýmanıtar­lyq kómek kórsetkeni úshin rızashy­lyq bildirdi. Ol resmı Kabýldyń birlesken jobalardy júzege asyrýǵa qyzyǵýshylyq tanytatynyn jetkizdi. Bul Aýǵanstanda jumys oryndaryn qurýǵa múmkindik beredi.

Áńgimelesý barysynda saýda-ekonomıkalyq, kólik-logıstıkalyq jáne agrarlyq salalardaǵy, sondaı-aq geologııalyq barlaý men sıfrlandyrý baǵyttaryndaǵy yntymaqtastyqtyń perspektıvasy talqylandy. Qazaqstan kompanııalary aýǵan aýmaǵyndaǵy iri ınfraqurylymdyq jobalarǵa qatysýǵa daıyn. Qazirgi kezde Týrgýndı – Gerat temirjol qurylysy salynyp jatyr. Sonymen qatar Qazaqstan­nyń Aýǵanstanǵa aýyl sharýashylyǵy ónimderi men hımııa ónerkásibi taýarlarynyń eksportyn ulǵaıtýǵa múmkindigi zor.

*  *  *

Prezıdent Qasym-Jomart Toqaev Jahandyq jasyl damý ınstıtýtynyń tóraǵasy, BUU-nyń segizinshi Bas hatshysy Pan Gı Mýnmen kezdesý ótkizdi.

Memleket basshysy Instıtýtqa elimizdiń kómirtegi beıtaraptyǵy strategııasyn ázirleýge kórsetken saraptamalyq qoldaýy men Aral teńiziniń qurǵaǵan tabanyn ekologııalyq turǵydan qalpyna keltirý baǵdarlamasyna qatysqany úshin alǵys aıtty.

Pan Gı Mýn Qazaqstannyń turaqty damý maqsattaryna jumsaǵan kúsh-jigerin qoldaıtynyn, jahandaǵy ekologııalyq bastamalardy iske asyrý úshin yntymaqtastyqty keńeıtýdiń mańyzdy ekenin atap ótti.

*  *  *

Prezıdent Qasym-Jomart Toqaev «Google» kompanııasynyń Ortalyq jáne Shyǵys Eýropa boıynsha vıse-prezıdenti Patrık Vornkıngpen kezdesti.

Prezıdent kompanııanyń elimizdegi sıfrlyq transformasııaǵa eleýli úles qosqanyn atap ótti.

Memleket basshysy Qazaqstannyń Eýrazııadaǵy sıfrlyq habqa aınalý jóninde strategııalyq maqsat qoıǵanyn jetkizdi. Atalǵan strategııa tirshiliktiń barlyq salasyna jasandy ıntellektini engizýdi kózdeıdi. Ol úshin elimiz sıfrlyq jáne kommýnıkasııalyq ınfraqurylymǵa, sondaı-aq esepteý qýatyn arttyrýǵa belsendi túrde ınvestısııa quıyp jatyr.

Patrık Vornkıng jasandy ıntellek­tini paıdalanyp, sıfrlyq keleshekke jol ashý úshin ınfraqurylym ázirleý jáne maman daıarlaý isinde Qazaqstannyń qol jetkizgen tabysyna joǵary baǵa berdi.

*  *  *

Memleket basshysy Qasym-Jomart Toqaev Dúnıejúzilik zııatkerlik menshik uıymynyń bas dırektory Daren Tangty qabyldady.

Áńgimelesý barysynda zııatkerlik menshik salasyndaǵy Qazaqstannyń áleýetin arttyrýǵa, ekojúıeni nyǵaıtýǵa jáne ornyqty bilim ekonomıkasyn qurýǵa baǵyttalǵan birlesken bastamalar talqylandy.

Qasym-Jomart Toqaev bolashaqqa baǵdarlanǵan ıntellektýaldy menshiktiń berik negizin qalaýda Uıym elimizdiń eń basty seriktesi ekenin atap ótti.

Qazirgi kezde zııatkerlik menshik quramdas bóligi bar Ulttyq ınnovasııa­lyq strategııany ázirleý jobasy iske qosyldy. Bul ǵylymı zertteýlerdi yntalandyrýǵa, ozyq tehnologııalardy damytýǵa jáne jaǵymdy ınnovasııalyq orta qalyptastyrýǵa baǵyttalǵan. Sondaı-aq Qazaqstan Uıymmen birlese otyryp, Tehnologııa men ınnova­sııa­­ny qoldaý ortalyǵy jobasyn júzege asyrady.

Daren Tang elimizde qabyldanǵan sharalardyń naqty nátıje berip jatqanyn aıtty. Byltyr Qazaqstan Jahandyq ınnovasııalyq reıtıngtegi ornyn jaqsartqan bolatyn.

*  *  *

Qasym-Jomart Toqaev Eýropa Keńesiniń Bas hatshysy Alen Berseni qabyldady.

Kezdesýde Qazaqstan men Eýropa Keńesi arasyndaǵy jan-jaqty yntymaqtastyqty nyǵaıtý perspektıvasy talqylandy.

Memleket basshysy elimizdiń eýropalyq uıymmen ózara yqpaldas­tyqty odan ári tereńdetýge beıil ekenin rastady. Prezıdent Ádiletti Qazaqstan qurýǵa baǵyttalǵan saıası reformalardyń aýqymdy baǵdarlamasyn júzege asyrý barysy týraly málimet berdi.

Alen Berse Eýropa Keńesiniń Qazaqstanmen ózara qarym-qatynas jasaýǵa ázirligin jetkizdi.

*  *  *

Memleket basshysy Qasym-Jomart Toqaev BUU Azyq-túlik jáne aýyl sharýashylyǵy uıymynyń (FAO) bas dırektory Sıýı Dýnıýımen kezdesti.

Prezıdent jahandyq azyq-túlik qaýipsizdigi men aýyl sharýashylyǵynyń ornyqty damýyn qamtamasyz etýde Qazaqstannyń Uıymmen yntymaqtastyǵy mańyzdy ekenin atap ótti. Elimizdiń Aýyl sharýashylyǵy mınıstrligi FAO bıýrosymen tyǵyz seriktestik ornatyp, 27 jobany tabysty júzege asyrdy. Qazirgi ýaqytta qýańshylyq pen aýylsharýashylyq alqaptarynyń sortańdanýy jaǵdaıynda tabıǵı resýrstardy basqarý, ornyqty akvamádenı damý, topyraq qunaryn saqtaý sekildi salalarda taǵy 14 joba iske asyrylyp jatyr.

Sıýı Dýnıýı Qazaqstannyń jahandyq azyq-túlik qaýipsizdigin qamtamasyz etý jáne gýmanıtarlyq kómek kórsetý isinde aıtarlyqtaı ról atqaratynyn aıtty.

Áńgimelesý barysynda ulttyq alma brendi sanalatyn Almaty aportyna erekshe nazar aýdaryldy. Qazaqstan resmı túrde aporttyń otany bolyp mo­ıyndaldy. Qasym-Jomart Toqaev pen Sıýı Dýnıýı ózara tıimdi nátıjelerge qol jetkizý úshin seriktestikti odan ári nyǵaıtýǵa daıyn ekenderin rastady.

*  *  *

Prezıdent BUU-nyń joǵary ókilderimen kezdesý ótkizdi.

Memleket basshysy BUU Bas hatshysynyń orynbasary – BUU Bas hatshysynyń sıfrlyq máseleler jáne ozyq tehnologııalar jónindegi arnaýly ókili Amandıp Sıngh Gıllmen, BUU Bas hatshysynyń orynbasary – BUU Damý baǵdarlamasy Ákimshisiniń orynbasary Haolıan Shýmen, BUU Bas hatshysynyń Aýǵanstan boıynsha arnaıy ókili jáne Aýǵanstanǵa kómektesý jónindegi BUU mıssııasynyń basshysy Roza Otynbaevamen, BUU Bas hatshysynyń jastar isi jónindegi kómekshisi Felıpe Paýlermen kezdesti.

Qasym-Jomart Toqaevtyń aıtýynsha, Astana halyqaralyq forýmyna BUU bedeldi ókilderiniń qatysýy san qyrly ári syndarly dıalogtiń barshaǵa ortaq ekenin kórsetedi.

Qazaqstan Prezıdenti geosaıası turaqsyzdyq beleń alǵan kezeńde BUU óziniń ámbebap ári balamasyz sıpatyn saqtap, beıbitshilik, qaýipsizdik jáne damý­dy qamtamasyz etý isindegi biregeı Uıym retinde qala beretinine senim bildirdi.