Memleket talant ıelerin qoldaıdy, olarǵa ár ýaqytta qamqorlyq kórsetedi

Keshe Almatyda ádebıet pen óner qaıratkerlerine jáne jas talanttarǵa 2014 jylǵy Prezıdenttik jáne Memlekettik stıpendııa­lar tabystaldy. Elbasynyń tapsyrmasyn oryndaý úshin ońtústik astanaǵa arnaıy kelgen Memlekettik hatshy Gúlshara Ábdiqalyqova  osynaý amanatty atqaryp, zııalylarmen dıdarlasty. Stıpendııalar jyl saıyn mem­lekettik qoldaý kórse­tý maq­satynda Qazaqstan Res­­pýb­lıkasynyń qurmetti ataq­tary men memlekettik nagradalaryn ıelengen mádenıet jáne óner qaıratkerlerine, sondaı-aq, asa daryndy shyǵarmashyl jastarǵa zor shyǵarmashylyq jetistikteri úshin  beriledi. Qazir  qandaı másele qozǵalsa da áńgimeniń aıaǵy ekonomıkadaǵy ahýalǵa, álemdegi turaqsyzdyqqa baryp tireledi. Onyń salqyny tımeı jatqan sala joq. Biraq osynyń bárine qaramaı, bıyl da Elbasynyń arnaýly О́kimimen ádebıet pen óner qaıratkerlerine memlekettik stıpendııalar kólemi qysqartylmaı, dástúrli túrde tapsyryldy. Memlekettik stıpendııalardy tabystaý rásimi qaı kezde de shy­ǵar­mashylyq ordasy bolyp kelgen, ádebıet pen ónerdiń  tanymal ókil­deri shoǵyrlanǵan Almatyda ótti. El damýynyń eń qıyn kezeńinde osydan 21 jyl buryn, 1994 jyly jalaqynyń da, zeınetaqy men stı­pendııanyń da ýaqytynda tólenbeı jatqan tusynda, Qazaqstannyń ár shalǵaıyndaǵy úlken kásip­oryn­dardyń jumysy toqtap tur­ǵanda, Prezıdentimiz ulttyq ıntel­lıgensııanyń qaımaǵyn jınap, bir jaǵynan rýhanı sep bolsyn dep, osy stıpendııany taǵaıyndaǵan bolatyn. Osyny aıtyp, rásimdi ashqan Gúlshara Ábdiqalyqova otandyq mádenıetti damytýǵa eleýli úles qosyp kele jatqandarǵa Elbasynyń alǵysyn jetkize otyryp: – Endi osy áńgimemizdiń aldynda jaqsy bir qýanyshty habardy jetkizsem deımin. Búgin ortamyzda otyrǵan, bárimiz ánderin súıip tyńdaıtyn kórnekti kompozıtor Eskendir Hasanǵalıev 75 jasqa tolyp otyr. Osyǵan oraı, Elbasy Eskendir О́tegenulyna óziniń arnaıy quttyqtaýyn joldady, – dep Memleket basshysynyń óz qo­ly­men jazǵan sálemdemesin oqyp berdi. Shynynda da, dál osy kúni áıgi­li sazger mereıli jasqa tolǵan edi. Osyndaı ádemi oqıǵamen bas­talǵan rásim keleli áńgimege ulas­ty. Memlekettik hatshy ótken jyly otandyq mádenıetti jańa beleske kóterý úshin Qazaqstan Respýb­lıkasynyń uzaqmerzimdi Mádenı saıasatynyń tujyrymdamasy qabyldanǵanyn eske sala otyryp, osyǵan oraı shyǵarmashylyq adamdarynyń aldynda eldiń jańa ádebıetin, jańa ónerin jańa bıikterge kóterý mindeti turǵanyn atap kórsetti. 2014 jyldyń qorytyndysy boıynsha otandyq mádenıetti da­my­týǵa qosqan mańyzdy úlesi úshin ádebıet pen óner salasynyń 100 qaıratkerine stıpendııa taǵaı­yn­daldy. Prezıdenttik stıpendııaǵa ıe bolǵandar qatarynda Oljas Súleımenov, Myrzataı Jol­das­bekov, Bıbigúl Tólegenova, Es­kendir Hasanǵalıev, Vladımır Tolokonnıkov, Asanáli Áshimov, Iýrıı Pomeransev, Sherhan Mur­taza, Ákim Tarazı, Anatolıı Molodov jáne basqalar bar.Sondaı-aq, Alan Bóribaev, Er­ke­bulan Daıyrov, Áıgerim Beke­taeva, Janel Tókeeva, Álııa Tele­barysova, Qasymhan Buǵybaı jáne basqa da birqatar jas daryn­dar Mem­lekettik stıpendııaǵa ıe boldy. G.Ábdiqalyqova mádenıet pen óner qaıratkerleri Memleket basshysynyń «Nurly Jol – bola­shaqqa bastar jol» atty Jol­daýyn iske asyrýǵa súbeli úles qosatynyna senim bildirdi. Mem­leket­tik hatshy kúndelikti ári qajyr­ly shyǵarmashylyq eńbek máde­nıet pen ónerdi ekonomıkalyq ósýdiń, ınnovasııanyń jáne adamı damýdyń negizgi resýrstarynyń birine aınaldyratynyn aıtty. Kezdesý otandyq mádenıet pen óner­di damytýdyń ózekti má­se­­­le­­lerin talqylaýmen aıaq­tal­dy. Memlekettik hatshy kókeı­tes­ti problemalardy sheshý úshin syndarly usynystardy qalyp­tas­tyrýǵa jáne ózara túsinistikti tereń­detýge jol ashatyn mundaı turaq­ty ári ashyq áńgimelesýdiń mańyzdylyǵyn atap kórsetti. G.Ábdiqalyqova mádenıet, áde­bıet jáne óner qaıratkerleri Qazaqstan halqy Assambleıasy jy­lyn ótkizýge, sondaı-aq alda kele jatqan Qazaqstan halqy Assam­­bleıasynyń 20 jyldyǵyna, Kons­tı­týsııanyń 20 jyldyǵyna, Qazaq handyǵynyń 550 jyldyǵyna jáne Jeńistiń 70 jyldyǵyna arnalǵan mereıtoılyq  is-sharalarǵa belsene atsalysatyndaryna senim bildirdi. Aınash ESALI, «Egemen Qazaqstan». ALMATY. Sýretti túsirgen Aıtjan MURZANOV.