Foto: gov.kz
Shetelden jumys kúshin tartýǵa bolatyn mynadaı sanattar bar: basshylar men olardyń orynbasarlary úshin 567 ruqsat (birinshi sanat), qurylymdyq bólimshelerdiń basshylary úshin 2 379 ruqsat (ekinshi sanat). Tartylǵan shetel jumys kúshin (ShJK) negizgi bóligi úshinshi (mamandar) jáne tórtinshi (bilikti jumysshylar) sanattarǵa jatady – tıisinshe olardyń sany - 4 392 jáne 1 037 adam. Sondaı-aq maýsymdyq jumystarǵa 2 271 adam, al korporatıvtik aýystyrý aıasynda 3 637 adam tartylǵan.
Qazir elimizde ShJK paıdalanatyn 1 808 jumys berýshi tirkelgen.
Ekonomıkalyq qyzmet túrleri boıynsha eń kóp jumys isteıtinder qurylys salasynda – 5 027 adam, aýyl, orman jáne balyq sharýashylyǵy – 2 271 adam, taý – ken ónerkásibi jáne karerlerdi qazý – 1 329 adam, óńdeý ónerkásibi – 1 252 adam.
Al Eńbek mıgranttary keletin negizgi elder qatarynda Qytaı ( 5 054 adam), О́zbekstan (1 926 adam), Túrkııa (1 079 adam), Úndistan (1 078 adam) bar.
Ishki eńbek naryǵyn qorǵaý maqsatynda Eńbek jáne halyqty áleýmettik qorǵaý mınıstrligi jyl saıyn respýblıkaǵa shetel mamandaryn tartýǵa kvota belgileıtinin jáne bóletinin málimdedi. 2025 jyly jalpy kvota respýblıkadaǵy jumys kúshiniń sanyna qatysty 0,2% mólsherinde nemese 14,8 myń birlik bolyp belgilengen. Al osy jyldyń naýryz aıynan bastap bul kórsetkish jergilikti atqarýshy organdardyń ótinimderine baılanysty sala mınıstriniń buıryǵymen 16,5 myń birlikke deıin ulǵaıtylǵan.
