Yntymaqtastyq kórinisi

Memleket basshysy N.Nazar­baevtyń Jarlyǵymen 2015 jyl Qazaqstan halqy Assambleıasynyń jyly dep belgilengen bolatyn. Táýelsiz qazaq jerinde 140-qa jýyq ózge ult ókilderi turaqtylyq pen beıbitshilikti saqtap, tatý-tátti ómir súrýde. Bıyl elimizdi meken etetin túrli ult ókilderin bir arnaǵa uıystyryp otyrǵan teńdesi joq ınstıtýt – Qazaqstan halqy Assambleıasynyń 20 jyldyq mereıtoıy.

Selınograd aýdanynda «Qa­zaq­stan halqy Assambleıasy jyly­nyń bastaý alýy» atty aksııa ótti. Sharaǵa aýdan basshysy Mal­ǵaj­dar Tátkeev, aýdandyq QHA-nyń tór­aǵasy Magomed Sýkalov, jer­gi­lik­ti máslıhat depýtattary, bólim basshylary men BAQ ókil­deri qatysty. Mereıtoı kishigirim kórinispen ashyldy. Qıly zamanda shashyraı ár jerge qonys tepken ult ókilderiniń beınesin sýrettegen ár etnos ókilderi birte-birte jıylyp, dostyq sımvolyndaı qaýyshyp, aq ananyń batasyn alyp, aınalany án-jyrǵa bóledi. Malǵajdar Tátkeev respýb­lıkamyzda 130-dan astam ult pen ulys bolsa, bizdiń aýdanymyzda da 30-dan asa etnos qonys teýip, sharýashylyq pen óndiris salalarynda eńbek etip jatyr. Selınograd aýdany jyldan-jylǵa kórkeıip, gúldenip, kemeldenip keledi. Bıyl Qazaq eli mańyzy zor  4  birdeı  mereıtoıdy atap ótke­li otyr. Sonyń biri – Qazaq­stan halqy Assambleıasynyń 20 jyldyǵy. Bizdiń memleketimizdiń basty jetistigi elimiz halqynyń ultaralyq jáne konfessııaaralyq kelisimi, ózara túsinistigi men syılastyǵy bolyp tabylady. Qazaq elinde shoǵyrlanǵan ulttar arasyndaǵy  birliktiń ornaýy Elbasy N.Nazarbaevtyń salıqaly saıasatynyń arqasy, dedi ákim. Al QHA-nyń tóraǵasy Mo­gamed Sýkalov barlyq jınalǵan qaýymdy búgingi aıtýly shara­men quttyqtady. «Qazaq eli kóp ulttyń basyn qosqan, kıeli meken. Memleket basshysy N.Nazar­baevtyń kóregen saıasaty arqasyn­da barlyǵymyz bereke men beıbit ómir keshýdemiz. Biz osy júre­gimizdiń tórinen oryn alǵan  tatý, yntymaqshyl qasıetimizdi máńgi saqtaýymyz qajet», dedi  ol. Shara sońy úlken konsertke ulasty. Ár ulttyń ulttyq bıleri oryndalyp, ánderinen shashý shashyldy. Jastar arasynda flesh-mob ótkizildi. Dana ALDANQYZY. Aqmola oblysy.