Bul tarıhı eskertkishterdiń negizgi bóligi – ártúrli dáýirge jatatyn jeke qorǵandar men tutas qorymdar. Ázirge egjeı-tegjeıli zertteýsiz olardyń naqty jylyn anyqtaý múmkin emes.
Alaıda, ózine tán belgileriniń jıyntyǵy boıynsha ǵalymdar tabylǵan eskertkishterdiń úsh dáýirge – qola dáýirine, erte temir dáýirine jáne orta ǵasyrǵa jatatynyn anyqtaı aldy.
– Barlyq tabylǵan eskertkishter týraly biz jergilikti atqarýshy organdarǵa resmı túrde habarlaýymyz kerek. Al olar bul oryndardy kúzetke alýǵa tıis. Tek osydan keıin ǵana odan ári zertteýler, qazbalar júrgizýge bolady. Bul prosess jyldam jasalatyn dúnıe emes, biraq biz osy qorymdarda qazba jumystaryn júrgizemiz. Jumystar bizge Shet aýdanynyń aýmaǵyn ǵasyrlar buryn mekendegen adamdardyń ómirin tolyqtyrýǵa jáne jaqsy túsinýge kómektesedi, – deıdi Saryarqa arheologııalyq ınstıtýtynyń dırektory Alekseı Kýkýshkın.
Ekspedısııa músheleri sondaı-aq buryn tabylǵan Shunaq petroglıfterin zerttedi. Ǵalymdar jıi kezdesetin sıýjetterdi sıpattap, petroglıfterdiń eń qyzyqty úzindilerin sýrettedi. Mamandar petroglıfterdiń negizgi bóligi qola dáýirine jatady degen qorytyndyǵa keldi. Buǵan sol kezeńniń dástúrli sıýjettik qatary dálel bola alady – tutas, adoranttar, solıarlyq belgiler, jabaıy ógizder, arbalar, arshaly jylqylar, juldyzdy aspan.
Qaraǵandy oblysy
