Jańa quraldarmen tanystyrdy

Qazirgi ýaqytta Astananyń aldyńǵy qatarly medısınalyq mekemeleri sońǵy tehnologııalar boıynsha ázirlengen jańa qural-jabdyqtarmen jabdyqtalyp jatqandyǵy belgili. Sonyń biri – «Travmotologııa jáne ortopedııa ǵylymı-zertteý ınstıtýty» RMK. Jýyqta bul ınstıtýtta dene jara­qat­taryn alǵan nemese týa bitken kemtar naýqastardy em­dep jazýǵa arnalǵan jańa medısınalyq qural-jab­dyq­tardyń tanystyrylymy jáne osy oqıǵaǵa arnalǵan jýrnalıs­termen baspasóz máslıhaty bolyp ótti. Bul qural-jabdyqtar «Samuryq-Qazyna» qorynyń qarjylaı qoldaýymen satyp alynǵan eken. – Qazir osyndaı jańa teh­nologııaǵa ıe bolýymyzdyń ná­tı­jesinde jumysymyz birshama alǵa basty. Omyrtqalary za­qym­­danǵan naýqastardy da em­deý múmkindigine ıe boldyq. Osy­­­ǵan baılanysty sońǵy kez­­deri bizge kelip omyrtqa kiná­rat­­tarynan aıyqqan adam­­dar sany artýda, – dedi osy má­se­le jóninde áńgime qozǵa­ǵan ıns­tıtýt dırektory, «Trav­moto­logtar men orto­ped­ter­diń qa­zaqstandyq assosıa­sııa­synyń» tóraǵasy Nurlan Batpenov. Baspasóz máslıhatynda eli­mizde jyl saıyn 250-ge tarta adamnyń óz dene qury­lys­taryn túzetý úshin joǵary sapa­ly medısınalyq kómek pen ota jasaýdy qajet ete­tindigin, olardyń 210-y bala­lar men jasóspirimder eke­nin bildik. Endi, mine, ChM, Med­tronic, Expedium sekildi kom­panııalardyń jasap shyǵar­ǵan dene túzetý qural-jabdyq­tarynyń nátıjesinde osy problema sheshimin tappaq. Nurlan Batpenov osy jaǵ­daılardy aıta kele osyndaı baǵaly quraldarǵa qol jetkizýge kómek jasaǵan «Samuryq-Qa­zyna» qoryna úlken alǵysyn bildirdi. Suńǵat ÁLIPBAI, «Egemen Qazaqstan».