Taǵy bir mańyzdy saýal – «klıent nelikten seni tańdaýy kerek?» Elden asqan nendeı ereksheligiń bar? Buǵan naqty jaýap bere almasańyz, asyqpaǵan abzal.
Qoǵamdyq tamaqtaný naryǵyna kirgen kásipkerler kóp jaǵdaıda marketıngke mán bermeı, úlken qatelikke urynyp jatady. Biz ádette jóndeýge, qurylǵyǵa, jıhazǵa aqsha tabamyz, biraq marketıngke kóńil bólmeımiz. Ne aqsha artylmaıdy, ne ony sonshalyqty mańyzdy dep sanamaımyz. Kóbi «esikti ashyp qoısam boldy, adamdar aǵylyp kele bastaıdy» dep oılaıdy. Bul – úlken qatelik.
Qazir elimizde dámhana, meıramhana ashý isi birshama jeńildedi. Kórshiles eldermen salystyrǵanda bizdegi jaǵdaı áldeqaıda jaıly. Erejeler ashyq ári túsinikti, retteýshi organdar jaǵdaıǵa túsinistikpen qaraıdy. Eń bastysy, zań aıasynda jumys istep, bekitilgen talap pen tártipti saqtasań bolǵany. Onyń ústine, kóptegen prosedýra qazir onlaın-formatta qoljetimdi.
Sóz basynda salada maman tapshy degendi aıtyp óttik. Ol ras. Qazir aspazdy da, daıashyny da, menedjerdi de tabý ońaı emes. Muny meıramhana bıznesindegi kúrdeli problema desek te bolady. Kóbi jaqsy jalaqy, tıimdi sharttardy izdep, bir meıramhanadan ekinshisine jıi aýysyp jatady. Shyn mánindegi kásibı, qundy kadrǵa jumys berýshiler tym zárý. Ne isteý kerek? Ol úshin kompanııa ishinde korporatıvtik mádenıetti qalyptastyrý óte mańyzdy. Qyzmetkerge tek jalaqy berý azdyq etedi, oǵan qurmet tanytý, ony damytý jáne jaıly kóńil kúı syılaý da – ýaqyt talaby.
Meıramhana ashý úshin birqatar qujat talap etiledi. Solardyń negizgileri mynalar:
- JShS nemese JK tirkeý kýáligi, QQS-ǵa esepke qoıý;
- Ǵımaratty jalǵa alý sharty nemese menshik quqyǵyn rastaıtyn qujattar;
- SES qorytyndysy (nemese tıisti habarlama), alkogol ónimin satýǵa arnalǵan lısenzııa, WIPON júıesinde tirkelý;
- Eńbek sharttary, qyzmetkerlerge arnalǵan saqtandyrý, sanıtarlyq kitapshalar, eńbek qaýipsizdigi men órt qaýipsizdigine jaýapty tulǵalardy taǵaıyndaý týraly buıryqtar;
- Jabdyqtarǵa arnalǵan sertıfıkattar (tarazy, ólsheýish, gıgrometr), evakýasııa jospary, órt dabyly, jeldetý, dezınseksııa qyzmetteri boıynsha jospar;
- Mekeme ataýyn kórsetetin syrtqy jarnama jobasy, taktıldik belgiler, mnemoshemalar, eki tilde daıyndalǵan mázir jáne qyzmet kórsetýge qosylatyn paıyzdyq mólsherleme týraly aqparat;
- О́nimderdiń sapa sertıfıkattary, jetkizýshilermen jáne kommýnaldyq qyzmettermen jasalǵan sharttar;
- О́ndiristik baqylaý sharty jáne sanıtarlyq jýrnaldar, sonyń ishinde barlyq hattama (sý, shý, jaryqtandyrý, t.b.) ;
Tolyq tizim sala qulash. Bir nárseni túsiný kerek, qujat – sizdiń qorǵaýshyńyz. Ol nysannyń adal, qaýipsiz jáne barlyq memlekettik talaptarǵa saı jumys istep turǵanyn aıǵaqtaıdy.
Qaıtalap óteıik, meıramhana ashý – tek dámdi taǵamdar men ádemi ınterer emes. «Sahnanyń» syrtynda qujat úshin, kadr úshin, sapa úshin júgiretin qyzyq ta qıyn sátter jáne ár saǵat, ár mınýtty kásip aýanyna arnaı alatyn úlken qajyr-qaırat turady. Eger sizden mundaı erik-jiger men úlken áleýet baıqalsa, árıne, kópke sozbaı iske kirisken jón. Sonymen qatar úlken iske táýekel eter aldynda qoǵamdyq tamaqtaný salasynda mol tájirıbesi bar zańgermen, basqa da bilikti mamandarmen aqyldasyp alǵannyń da artyǵy bolmaıdy.
