Bul – Býrkına-Faso syrtqy saıası vedomstvosy basshysynyń ekijaqty qatynastar tarıhynda Qazaqstanǵa alǵashqy resmı sapary. Osy qadam seriktestikti jańa deńgeıge kóterýge tyń múmkindikter ashady.
Kezdesý barysynda taraptar saıası, saýda-ekonomıkalyq, mádenı-gýmanıtarlyq saladaǵy keń aýqymdy máselelerdi talqylady. Ásirese logıstıka, paıdaly qazbalardy óndirý, sıfrlandyrý jáne qorǵanys ónerkásibi sııaqty bolashaqqa baǵyttalǵan salalardaǵy yntymaqtastyqty arttyrýǵa basymdyq berildi.
«Afrıka baǵyty – Qazaqstan syrtqy saıasatynyń mańyzdy bóligi. Astana qurlyq elderimen ózara tıimdi jáne teń quqyqty seriktestikti nyǵaıtýǵa umtylady», dedi M.Nurtileý.
Sonymen qatar Qazaqstan SIM basshysy Býrkına-Fasonyń Almatyda Ortalyq Azııa men Aýǵanstan úshin Ornyqty damý maqsattary jónindegi BUU О́ńirlik ortalyǵyn qurý bastamasyn qoldaǵany úshin alǵys aıtty.
Mınıstrler sharttyq-quqyqtyq bazany tereńdetýge jáne ártúrli deńgeıdegi saparlardy jandandyrýǵa ózara múddeliligin rastady, sondaı-aq halyqaralyq jáne óńirlik kún tártibindegi ózekti máseleler boıynsha pikir almasty.
Kelissózder qorytyndysy boıynsha eki eldiń syrtqy ister mınıstrlikteri arasynda Saıası jáne dıplomatııalyq konsýltasııalar jónindegi memorandýmǵa qol qoıyldy. Bul qujat vedomstvoaralyq dıalogti ınstıtýsııalaý baǵytyndaǵy mańyzdy qadam boldy.
Býrkına-Faso syrtqy saıası vedomstvosy basshysynyń sapary qazaq-afrıkalyq qarym-qatynastardyń qarqyndy damý kezeńine sáıkes kelip otyr. Keıingi jyldary Astanada Togo, Kongo Respýblıkasy, Gvıneıa-Bısaý men Rýandanyń kóshbasshylary, sondaı-aq Serra-Leone, Benın jáne Rýandanyń syrtqy ister mınıstrleri resmı saparmen boldy.
Qazaqstan Afrıka qurlyǵyndaǵy óz dıplomatııalyq ókildikterin júıeli túrde keńeıtip, teń quqyq pen ózara qurmet negizinde birlesken ekonomıkalyq jobalardy ilgeriletip keledi.
