Memleket basshysynyń tapsyrmasyn iske asyrý, ınklıýzıvti jáne arnaıy bilim berýdi júıeli túrde nyǵaıtý aıasynda Oqý-aǵartý mınıstrligi «Psıhologııalyq-pedagogıkalyq súıemeldeý qyzmeti erejelerin bekitý týraly» jańa buıryqty qabyldady. Qujat arnaıy jáne ınklıýzıvti bilim berý uıymdarynda psıhologııalyq-pedagogıkalyq súıemeldeý qyzmetiniń biryńǵaı júıesin qurýǵa baǵyttalǵan.
Inklıýzıvti jáne arnaıy bilim berý departamentiniń dırektory Laýra Býtabaeva jańa ózgeris jóninde: «Psıhologııalyq-pedagogıkalyq súıemeldeý qyzmeti (PPS) – bilim berý prosesiniń qatysýshylaryna psıhologııalyq-pedagogıkalyq qoldaý kórsetetin alqaly organ. Bul oqýshylardyń, sonyń ishinde erekshe bilim berýdi qajet etetin balalardyń psıhologııalyq ál-aýqatyn qamtamasyz etedi, olardyń oqý motıvasııasyn, úlgerimin, shyǵarmashylyq áleýetin jáne kásibı ózin-ózi anyqtaýyn damytýǵa yqpal etedi», dep pikir bildirdi.
