Tusaýkeserge salmaqty taqyryp ózek Mańǵystaýda Kommýnıkasııalyq ortalyqtyń fılıaly ashyldy

Mańǵystaý oblysynda Qazaqstan Respýblıkasy Pre­zıdenti janyndaǵy Ortalyq kommýnıkasııalar qyz­metiniń fılıaly ashy­lyp, alǵashqy jumys kúnin bastady. Buǵan deıin elimizdiń bes óńirinde iske qosylǵan mundaı orta­lyqtar jyl sońyna deıin barlyq oblystarynda ashylady dep kútilýde.

Munaıly aımaqtaǵy orta­lyq­tyń tusaýkeserine «100 naqty qadam» Ult jospary baǵ­dar­lamasyn júzege asyrý aıasyndaǵy Mańǵystaý oblysynyń ekono­mıkalyq damýy syndy salmaqty taqyryp ózek boldy.

О́ńirdegi buqaralyq aqparat quraldary ókilderi aldynda Mańǵystaý oblysy ákiminiń oryn­basary Sh.Ilmýhambetova, osy oblystyń kásipkerlik jáne saýda basqarmasynyń basshy­sy V.Mustapaeva men jumys­pen qamtýdy úılestirý jáne áleý­mettik baǵdarlamalar bas­qar­­masynyń basshysy G.Qalmu­ra­tova, sondaı-aq, «Aqtaý halyq­aralyq teńiz-saýda porty» UK» aksıonerlik qoǵamynyń prezıdenti M.Iаlbachev tıisti salalardaǵy jasalyp jatqan jumystar týraly baıandap, jýrnalıster tarapynan qoıylǵan suraqtarǵa jaýap berdi. Elimizde jasalyp jat­qan alýan jumystar men aý­qymdy jospar-jobalardyń, baǵdar­lamalardyń túpki maqsaty men negizi – Memleket basshysy N.Nazarbaevtyń bastamasymen táýelsiz Qazaqstandy odan ári jáne jan-jaqty damyta otyryp, elimizdiń aldyńǵy qatarly damyǵan sanaýly elderdiń arasynan óz ornyn alýyna jetkizýde jatyr. Bul baǵyttaǵy jumystardyń jolbasshysyndaı bolǵan túrli memlekettik baǵdarlamalar men jyl saıynǵy Elbasy Joldaýynyń izbasary syndy «100 naqty qadam» mindettemelik baǵdarlamasy qazir respýblıka kóleminde qyzý qoldaýǵa ıe bolýda. Baǵdarlamada memlekettik kásibı apparattan bastap, sot bıligi, esep beretin memleketti qalyptastyrý jáne ulan-ǵaıyr qazaq dalasyn mekendegen kóp ulttyń ózara beıbitshilik úshin tilek, jasampaz eńbek úshin bilek qosa alatyn aýyzbirligin, tatýlyǵyna deıin naqty aıtylyp, arnaıy tapsyrmalar berildi. Bizdiń otandastarymyz úshin endi baǵdarlama silteý ber­gen súbeli tapsyrmalardy bul­jytpaı jáne minsiz oryndaý mindeti tur. Barlyq aımaqtardyń, barlyq salalyq qurylymdardyń óz ishindegi jumysyn osy baǵ­darlamada aıtylǵan min­detter men tapsyrmalarǵa saı ıkemdep, ony júzege asyrý úshin jumystanyp jatqany belgili. Jýrnalıstermen ótken baspasóz máslıhatynda Mańǵystaý oblysynyń ekonomıkalyq damý qarqyny baıandalyp, Elbasy usynǵan atalǵan baǵdarlamany júzege asyrý úshin jasalynar aldaǵy jumystardyń barysy áńgimelendi. Memleket basshysy Nursultan Nazarbaevtyń tapsyrmasyna oraı, óńirde «100 naqty qadam» aıasynda ındýstrııalandyrý jumysy belsendi júrip jatyr deýge bolady. 2015-2016 jyldary óńirimizde 21 ınvestısııalyq joba iske qosylady dep josparlanǵan bolatyn, bul jobalardyń 16-sy bıyl iske qosylady dep kútilýde, – dedi Mańǵystaý oblysy ákiminiń orynbasary Sh.Ilmýhambetova. Qazirgi tańda soltústik baǵytta keńeıtý jumystary qarqyndy sıpat alǵan «Aqtaý halyqaralyq teńiz-saýda portynda» bul joba sońǵy deńgeıine, ıaǵnı aıaqtalýǵa jetip qaldy. Bıyl jyl sońyna deıin nemese 2016 jyldyń basynda aıaqtalatyn joba teńizdegi tasymaldy 3 mln. tonnaǵa deıin arttyratyn bolady. Sondaı-aq, «Aqtaý halyq­aralyq teńiz-saýda portynyń» basshysy M.Iаlbachev dál osy kúni Qazaqstan, Grýzııa, Ázerbaıjan, Túrkııa, Qytaı memleketteriniń port qyzmetkerleri men keme ıeleriniń ortaq jumysty úılestirý nátıjesinde Aqtaý portynda alǵash ret konteınerli poıyz Qa­zaqstan portynan Eýropaǵa qaraı attanatyndyǵyn jetkizdi. Baspasóz máslıhatynda jýrnalıster jáne onlaın-rejimde Astana, Atyraý qala­syndaǵy qatysýshylar álemdik ekonomıkalyq daǵdarystyń óńir ekonomıkasyna áseri, res­pýb­lıkalyq mańyzdaǵy Beıneý – Aqtaý avtokólik jolynyń, Jańaózen – Aqtaý jolynyń qury­lysy, aımaqty sýmen qamtamasyz etý jaılarymen birge, óńirdegi kásiporyndarda qysqartýlardyń, sondaı-aq, eńbek daýlarynyń bar-joqtyǵy, munaı baǵasy tómendeýiniń áseri, kásipkerlikti qoldaý men jumyspen qamtý, sheteldikterdiń jumysqa ornalasýy, t.b. suraqtarǵa jaýap aldy.

Gúlaıym ShYNTEMIRQYZY, «Egemen Qazaqstan».

Mańǵystaý oblysy. Sýretti túsirgen Serik MAIEMEROV.