Foto: Ashyq derekkóz
Bólimniń habarlaýynsha, qaıǵyly oqıǵa 2024 jylǵy 28 mamyr kúni tańǵy saǵat 06:20 shamasynda bolǵan. Á.Músilimov atyndaǵy №101 mektep-lıseıdiń 9-synyp oqýshysy óz úıiniń aýlasynda óz-ózine qol jumsaǵan.
«Oqıǵa mektep qabyrǵasynda bolǵan joq. Qazirgi tańda quqyq qorǵaý organdary tarapynan tıisti tergep-tekserý jumystary júrgizilip jatyr. Osyǵan oraı, áleýmettik jeli qoldanýshylaryn rastalmaǵan, jalǵan aqparat taratpaýǵa shaqyramyz», delingen Qyzylorda qalasynyń bilim bólimi taratqan resmı málimdemede.
Qazirgi ýaqytta marqumnyń otbasyna qajetti psıhologııalyq jáne áleýmettik kómek kórsetilip jatyr.
