Aımaq úshin mańyzy zor iri keńse

Keshe Qazaqstan Respýblıkasy Parlamenti Senatynyń Tóraǵasy Qasym-Jomart Toqaev Dúnıejúzilik densaýlyq saqtaý uıymy Eýropa óńirlik bıýrosynyń dırektory Jýjanna Iаkabty qabyldady, dep habarlady Senattyń baspasóz qyzmeti. Joǵarǵy palatanyń basshysy Almatyda DDU-ǵa múshe 53 memlekettiń qyzmetin úılestiretin dárigerlik-sanıtarlyq alǵashqy kómek jónindegi uıymnyń «geo­grafııalyq turǵyda qashyq­taǵy» keńsesin ashý týraly sheshimi úshin J.Iаkabqa alǵys aıtty, ol Qazaqstannyń osy bedeldi halyqaralyq uıymmen tabysty yntymaqtastyǵynyń kórinisi bolyp otyr. Senat Tóraǵasy BUU aıasyn­daǵy densaýlyq saqtaý sala­syn­daǵy halyqaralyq qyzmetin, atap aıtqanda, juqpaly Ebola vırýsymen kúrestegi DDU jetistikterin atap ótti. J.Iаkab bizdiń elimizdegi den­saýlyq saqtaý salasynyń damýy men negizgi kórsetkishterdiń jaq­sarýyna, «Salamatty Qazaqstan» memlekettik baǵdarlamasyn iske asyrýǵa, sondaı-aq, balalardyń shetineýin azaıtý jónindegi jumystarǵa qanaǵattanǵandyq bildirdi. Dúnıejúzilik densaýlyq saqtaý uıymy Eýropa bıýrosynyń óńirlik dırektorynyń pikirinshe, Almatyda BUU-nyń alǵashqy iri keńsesiniń ashylýy Qazaqstan úshin ǵana emes, tutastaı aımaq úshin erekshe mańyzdy. «Keńseniń ashylýy densaýlyq saqtaý salasyndaǵy jáne sizderdiń el­derińizdiń kóshbasshylyǵyn ny­ǵaı­týǵa jáne Qazaqstannyń álemdegi eń damyǵan elderdiń tobyna enýi jónindegi órshil maqsatyn iske asyrýǵa yqpal etedi», dedi óńirlik dırektor. Q.Toqaev Qazaqstan halqynyń densaýlyǵyn jaqsartýǵa baǵyt­talǵan birlesken kúsh-jigerdi zańnamalyq turǵyda qoldaýǵa Senattyń ázirligin bildirdi.