Bul jumystarǵa geologııalyq, gıdrologııalyq jáne geodezııalyq zertteýler, sý túbi men jaǵa syzyqtaryn zerdeleý, sý ortasynyń jaǵdaıyn taldaý sııaqty keshendi sharalar kiredi. Tekserý kezinde zamanaýı jáne sapaly qurylǵylar — georadarlar, sonarlar jáne basqa da jabdyqtar qoldanylyp jatyr.
Bıyldyń sońyna deıin Sý resýrstary jáne ırrıgasııa mınıstrligi elimiz boıynsha 134 gıdrotehnıkalyq nysandy kópfaktorly tekserýden ótkizýdi josparlap otyr. Aıta keteıik, byltyr Qazaqstannyń 14 oblysynda 84 nysan tekserilgen edi. Bul bastapqy jospardan da kóp boldy.
«Aqmola fılıaly bul jumystardy bıyl mamyr aıynda bastaǵan. Kópfaktorly tekserý — bul gıdrotehnıkalyq nysannyń paıdalanylý barysynda qandaı kúıde ekenin anyqtaý úshin júrgiziletin tolyq ári keshendi taldaý», – dedi «Qazsýshar» RMK Aqmola fılıalynyń dırektory Erbol Áskerbekov.
