Sol ýaqyttan beri qalada jáne oblys aýmaǵynda aýqymdy áleýmettik-ekonomıkalyq ózgerister oryn aldy. Úsh jyl ishinde jalpy óńirlik ónim 109,6%-ǵa artyp, 5,9 trln teńgeni qurady. Shıkizattyq emes sektordaǵy ósim qarqyny boıynsha Almaty oblysy respýblıkada alǵashqy bes óńirdiń qatarynda.
Oblysqa 2,3 trln teńgeden astam ınvestısııa tartyldy. Halyqaralyq deńgeıdegi PepsiCo, LC Waikiki, KT&G, Qazaq Global Food kompanııalary óz óndiris oryndaryn ashty. Sonymen qatar, Qytaımen jalpy quny 7 mlrd AQSh dollaryna jýyq kelisimder jasalyp, nátıjesinde shamamen 6 myń jumys orny quryldy.
Infraqurylymdyq salada da birqatar jumystar atqaryldy. 1000 shaqyrymnan astam avtojol jóndelip nemese jańadan salyndy. Gazben qamtý deńgeıi 58,1%-dy qurady, al aýyldyq eldi mekenderdiń 99,5%-y ortalyqtandyrylǵan aýyzsýmen qamtamasyz etildi. Úsh jylda shamamen 2 mln sharshy metr turǵyn úı paıdalanýǵa berildi.
Adam kapıtaly men sıfrlandyrý salasynda da nátıjeler bar. 140 myńnan astam jańa jumys orny quryldy, jumyssyzdyq deńgeıi 4,6%-ǵa deıin tómendedi. «Sıfrlyq otbasy kartasy» men bilim berý platformalary sekildi zamanaýı servıster engizildi.
Qonaev qalasy Smart Qonaev jobasy aıasynda damyp keledi. Qarjylandyrý kólemi tórt esege artty. Qalada qoǵamdyq keńistikter jańartylyp, týrıstik ınfraqurylym jetildirilýde. 2025 jyly qalaǵa 1,6 mln týrıst keledi dep kútilýde.
Sonymen qatar, Qonaev qalasynyń mańynda erkin ekonomıkalyq aımaq mártebesimen jańa Alataý qalasynyń qurylysy bastaldy. 2025 jyly bul jobanyń ınfraqurylymyna 100,7 mlrd teńge baǵyttalady.
Qazirgi ýaqytta Almaty oblysy – turaqty damyp kele jatqan óńir. О́ńirde ómir súrýge, jumys isteýge jáne kásibı turǵyda ósýge barlyq jaǵdaılar jasalýda. Al Qonaev qalasy oblystyń áleýmettik-ekonomıkalyq damýynyń ortalyǵyna aınaldy.
Almaty oblysy
