Foto: gov.kz
Onlaın bıýdjet monıtorıngi (OBM) modýlin qoldaný aıasyn keńeıtý jumystary jalǵasyp jatyr. Bul júıe naqty ýaqyt rejıminde qarjy qarajatynyń maqsatty jumsalýyn baqylaýǵa múmkindik beredi.
Negizgi artyqshylyqtary:
- Esep jáne tólem prosesterin avtomattandyrý
- Zańbuzýshylyqtardy jedel anyqtaý
- Bıýdjettiń ashyqtyǵy men tıimdiligin arttyrý
OBM júıesi áleýmettik sala uıymdaryndaǵy jalaqy tólemderin qashyqtan baqylaýǵa múmkindik beredi. Búginde monıtorıng tek bilim berý salasyn ǵana emes, densaýlyq saqtaý, mádenıet, týrızm jáne sport salalaryn da qamtıdy. Kún saıyn 6 myńǵa jýyq memlekettik mekemeniń 140 mıllıon teńgeden astam tranzaksııasy taldanady.
Aǵymdaǵy jyldyń basynan bastap jedel áreket etý arqyly 664 mıllıon teńgeden astam qarajatty talan-tarajǵa salýdyń aldyn alýǵa múmkindik týdy.
«Onlaın bıýdjet monıtorıngi» modýli úlken kólemdegi derekterdi óńdeý jáne aýdıtorlar tarapynan habarlamalardy daıyndaý ýaqytyn aıtarlyqtaı qysqartty. Bul óz kezeginde baqylaý sharalarynyń jedeldigi men sapasyn arttyrýǵa yqpal etedi.
Sonymen qatar QR Qarjy mınıstrligi Ishki memlekettik aýdıt komıteti men «Elektrondyq qarjy ortalyǵy» AQ birlesip, mobıldi qosymshalar arqyly zańsyz alynǵan bıýdjet qarajatyn qaıtarý boıynsha jańa fýnksıonal ázirleýde. Bul sıfrlyq sheshim aldyn alý sharalary sheńberinde erikti túrde qaıtarý rásimin edáýir jeńildetedi.
«Qarjy mınıstrligi óz prosesterin sıfrlandyrýǵa belsendi túrde umtylyp otyr. Zamanaýı tehnologııalardy engizý bıýdjet qarajatyn basqarýdaǵy ashyqtyqty, jedeldikti jáne tıimdilikti arttyrýǵa baǵyttalǵan. «Onlaın bıýdjet monıtorıngi» modýli sııaqty sıfrlyq quraldardy paıdalaný adamı faktordy azaıtyp, kúndelikti operasııalardy avtomattandyrýǵa jáne baqylaý sapasyn jaqsartýǵa múmkindik beredi. Bul memlekettik qarajattyń tıimdi jáne jaýapty jumsalýyna septigin tıgizedi», dep atap ótti QR Qarjy mınıstri Mádı Takıev.
Alına QAIRATQYZY, EUÝ stýdenti
