Foto-jádigerdi saqtaǵan adam – Almaty qalasynda turatyn Márııash Noǵaıqyzy. Bul kisi jas kezinde kásibı ánshi bolǵan. Osy apamyz: «О́tken ǵasyrdyń alpysynshy jyldarynyń basynda Baı-О́lke aımaǵyna bir top qazaqstandyq ártister baryp mýzykalyq drama teatr sahnasynda konsert berdi. Ásirese salǵan áni támam qazaqtyń júregine uıalaǵan ataqty ánshi Roza Baǵlanova shyrqaǵan «Aqmandaılym» kórermendi teńizdeı tolqytty» dep eske alady.
Al myna fotoǵa toqtalar bolsaq, sol jaqta birinshi turǵan adam – jergilikti qazaqtardan shyqqan aqyn-jazýshy jáne Mońǵol eliniń óner qaıratkeri Aqtan Babıuly. Bul tulǵa alystan at terletip kelip, Qobda qoınaýynda buıyǵyp jatqan az qazaqty ónerimen sýsyndatqan aǵaıyndarǵa baı-ólkelikter atynan rahmet aıtyp tur deıdi.
Odan keıin sol jaqtan ekinshi rette turǵan Qazaqstannyń halyq ártisi Shabal Beısekova. Osy konsertti kózi kórgen óner zertteýshi qazir elorda irgesindegi Qoıandy aýylynda turatyn qarııa Taıf Táýkeı, qazaqstandyqtar qoıǵan konsertti Shabal apamyz júrgizgen deıdi. Úshinshi adam – ataqty bıshi Shara Jıenqulova. Bul apamyz «Altyn búrkit» deıtin bıdi bılep qandastaryn qaıran qaldyrǵan kórinedi.
Ári qaraı tarqatyp aıtsaq, tórtinshi turǵan – Roza Jamanova, odan keıin artqy jaqta turǵan tulǵa – Káýken Kenjetaev, tap ortasynda – Roza Baǵlanova, jetinshi adam – ataqty Ǵarıfolla Qurmanǵalıev, segizinshi adam tanylmady, toǵyzynshy turǵan Erkeǵalı Rahmadıev dep tanydy jýrnalıst Qalı Sársenbaı aǵamyz. Al oń jaq shettegi ataqty ánshi Ánýarbek Úmbetbaev eken.
