Olar Túrkistan oblystyq «Psıhıkalyq densaýlyq ortalyǵynyń» №3 áıelder bólimshesinde sanıtar-baqylaýshy bolyp qyzmet atqarǵan. Tergeý barysynda anyqtalǵandaı ótken jyly shilde aıynda ekeýi jumys kezinde ortalyqta emdelip jatqan B. men kámelet jasqa tolmaǵan K.-ny teledıdar kóretin bólmede, sosyn aýlaǵa shyǵatyn baspaldaq alańshasynda dármensiz kúılerin paıdalanyp tún jarymynda zorlaǵan.
Prokýror sotta qylmyskerlerge 15 jyl merzim jaza berýdi al, jábirlenýshiler men olardyń ókilderi, sondaı-aq advokattar qatań jaza taǵaıyndaýdy surady.
Úkim shyǵarý barysynda sottalýshylardyń asyraýynda jasóspirim balalarynyń bolýy eskerildi. Sottalýshynyń birinde 2, ekinshisinde 6 jas balasy bar.
Sonymen sot sottalýshylardy Qylmystyq kodekstiń 120-baby 3-1-bóliginiń birinshi tarmaǵymen kináli dep tapty. Sondaı-aq olardy osy bappen pedagogıkalyq jáne kámeletke tolmaǵandarmen jumys isteýge baılanysty laýazymdardy atqarý quqyǵynan ómir boıyna aıyra otyryp, árqaısysyna 15 jyl merzimge bas bostandyǵynan aıyrý jazasyn taǵaıyndady.
Sonymen birge jábirlenýshi B. men K.-nyń árqaısysynyń paıdasyna moraldyq shyǵyn retinde 10 mln teńgeden ótemaqy óndirildi. Advokattyq qyzmet úshin jumsalǵan 600 myń teńge de jábirlenýshi B.-nyń paıdasyna sheshildi.
Sot otyrysyndaǵy qylmystyq is jabyq kúıinde qaraldy.
