«Slovakııa – Qazaqstannyń Eýropalyq odaqtaǵy senimdi seriktesi. Qazaqstan Prezıdenti Qasym-Jomart Toqaev Slovakııa Respýblıkasymen jan-jaqty strategııalyq áriptestikti damytýǵa erekshe mán beredi. Bizdiń elderimizde ónerkásipti, aýyl sharýashylyǵyn, joǵary bilikti adamı kapıtaldy damytý, sondaı-aq qolaıly geografııalyq jaǵdaı salalarynda kóptegen uqsastyq bar. Munyń bári Qazaqstan – Slovakııa qatynastaryn odan ári nyǵaıtýǵa berik negiz bolady», dep basa aıtty O.Bektenov.
«Eki memlekettiń basshylary men premer-mınıstrler kezdesýleri – jobalardy júzege asyrýdyń jumyldyrýshy quramdas bóligi. Biz taýar aınalymyn arttyrýǵa ǵana emes, birlesken óndiris oryndaryn qurýǵa da múddelimiz», dep atap ótti R.Fıso.
О́tken jyly eki el arasyndaǵy taýar aınalymy 140 mln dollardy qurady, osy jyldyń 4 aıynda ózara saýda kólemi 46%-ǵa artty. Saýda qurylymyn ártaraptandyrý jáne taýarlar men kórsetiletin qyzmetter túrin odan ári keńeıtý sharalarynyń mańyzdylyǵy atap ótildi.
Qazaqstan organıkalyq óndiris salasynda birlesken kásiporyndar qurý jáne tájirıbe almasý, halyqaralyq naryqtarǵa turaqty shyǵýdy qamtamasyz etetin tıimdi kólik-logıstıkalyq baǵyttardy damytý arqyly aýyl sharýashylyǵy salasyndaǵy yntymaqtastyqty tereńdetýge múddeli.
El Úkimetine otandyq tasymaldaýshylar tarapynan kelip túsken ótinishterdi eskere otyryp, Oljas Bektenov tranzıttik júk tasymaldaýǵa ruqsat berý kvotasyn odan ári ulǵaıtý máselesin qaraýǵa bastamashy boldy.
Taraptar jan-jaqty ózara tıimdi yntymaqtastyqty nyǵaıtýǵa jáne Robert Fısonyń Qazaqstanǵa resmı sapary barysynda qol jetkizilgen ýaǵdalastyqtardy tolyq júzege asyrýǵa nıetti ekenin jetkizdi.
Kelissózder qorytyndysy boıynsha premer-mınıstrler «Qazaqstan – Slovakııa» bıznes-forýmyna qatysty.
Eki eldiń isker toptarynyń ókilderi ózara qyzyǵýshylyq týdyratyn jańa salalar boıynsha qarym-qatynas ornatý máselelerin talqylady. Qazaqstanda slovak bıznesi densaýlyq saqtaý, energetıka, tamaq ónerkásibi jáne taǵy basqa salalarǵa belsendi túrde qatysýda.
Oljas Bektenov óz sózinde ınvestorlar men slovakııalyq isker top ókilderin jobalardy birlesip júzege asyrýǵa shaqyrdy. О́nerkásip, energetıka, aýyl sharýashylyǵy, áskerı-ónerkásiptik keshen sııaqty jáne basqa da yntymaqtastyq pen ekonomıkalyq damýǵa negiz bolatyn uzaqmerzimdi baılanystardy jandandyrýdyń perspektıvaly baǵyttary aıqyndaldy. Qazaqstan júzege asyryp jatqan Sý seriktestigi bastamasy aıasynda sý resýrstaryn basqarý salasynda tájirıbe almasý mańyzdy, soǵan sáıkes, sý sharýashylyǵy ınfraqurylymyn jańǵyrtý, zamanaýı ırrıgasııalyq jáne taǵy basqa da júıelerdi engizý kózdelgen.
Sondaı-aq Qazaqstanda IT mamandar úshin jasalǵan jaǵdaıǵa nazar aýdaryldy. Astana Hub halyqaralyq tehnoparki búginde 1,5 myńnan astam startapty, onyń ishinde Google, Microsoft sııaqty basqa da álemdik tehnologııalyq kóshbasshylardy qoldaıdy. Slovakııanyń ınnovasıalyq IT sektory sıfrlyq ekojúıege negizdelgen startaptardy iske asyrýǵa shaqyryldy.
Forým jumysyn aıaqtaı otyryp, Qazaqstan men Slovakııa premer-mınıstrleri jan-jaqty ózara tıimdi áriptestikti sapaly túrde keńeıtýge berik ustanymdaryn bildirdi.
