Foto: Ashyq derekkóz
Onyń aıtýynsha, turǵyn úı tólemderiniń mólsheri turǵyn úı baǵasynyń ózgerýine, ınflıasııa deńgeıine, qyzmet ótkeretin aımaǵyna jáne otbasy jaǵdaıyna baılanysty bolady.
«Mysaly, Astanada tólem mólsheri shamamen 92 myń teńge. Bul soma jyl saıyn ózgerip otyrady. Úkimet jaldamaly turǵyn úı baǵasyn rettep otyrady. О́skemende – 49 myń teńge, Semeıde – 48 myń teńge. Ár qalada bir adamǵa arnalǵan Úkimet bekitken tólem mólsheri bar», dedi Kegen Tursynbaev.
Vıse-mınıstrdiń aıtýynsha, tórt adamnan turatyn otbasy úshin Úkimet qaýlysy negizinde 50 myń teńgeden, ıaǵnı jalpy 200 myń teńge kóleminde tólem qarastyrylady.
«Zań 30 maýsymda kúshine engen soń, tıisti turǵyn úı tólemderi júzege asa bastaıdy. Sol ýaqytqa deıin biz ózimizdiń zańǵa táýeldi aktilerimizdi daıyndap úlgerýimiz qajet. Arnaıy bólim qurylyp, kimge tólem tıesili, kimge tıesili emes ekenin anyqtalady», dedi ol.
