Halyqtyń qaýipsizdigi úshin qazirgi tańda kóptegen jańa vagon jolǵa shyqty. Jaqynda Comfort+ klasyndaǵy jańa vagondar Astana-Qaraǵandy baǵyty boıynsha júre bastady.
Bul elektr poıyzy 6 vagonnan, 576 orynnan turady. Sonymen qatar, jańa vagondardyń jaılylyq deńgeıi joǵary, eýropalyq standarttarǵa sáıkes keledi. Jasy úlken jolaýshylarǵa arnalǵan jáne balalary bar jolaýshylarǵa yńǵaıly bolýy úshin aıaq tirekteri engizildi. Mobıldi qurylǵylardy zarıadtaýǵa arnalǵan USB qosqyshtarymen jabdyqtalǵan. Vagondarda sýsyndar men jeńil taǵamdar satyp alýǵa arnalǵan saýda qondyrǵysy qoıylǵan.
Elektr poıyzy kún saıyn óz ýaqytymen júredi. Marshrýt boıynsha jol júrý quny 3202 teńgeni quraıdy.
«Qoljetimdilik pen ınklıýzıvtilik máselelerge erekshe nazar aýdarylady. Árbir vagonda bıotýaletter qarastyrylǵan. Sondaı-aq, kompozısııa eki jaǵynan platformalyq kótergishtermen jabdyqtalǵan», deıdi kompanııanyń baspasóz qyzmeti.
Aldaǵy ýaqytta kompanııa jyljymaly quramdy jańartý baǵdarlamasy aıasynda birinshi, ekinshi, jáne úshinshi klasty taǵy alty jańa Elektr poıyzyn alyp, iske qosýdy josparlap otyr.
Qaraǵandy oblysy
