Keshtiń shymyldyǵy «El saltanaty» bı qoıylymymen ashyldy. Balet ártisteri myń burala bılep, qazaq jáne álem halyqtarynyń bıin asqan sheberlikpen oryndady.
Atalǵan is-sharaǵa Túrkistan oblysy ákiminiń orynbasary Ertaı Altaev arnaıy qatysyp, bı ujymyn 70 jyldyq mereıtoıymen quttyqtady. Túrkistan oblysy boıynsha Ekonomıkalyq tergep-tekserý departamenti basshysynyń orynbasary Murat Ospanov óz kezeginde birqatar mamanǵa Alǵyshat tabystady. Mádenıet qaıratkeri, bıshi Uljan Mustafaeva da alystan at terletip kelgen bı ujymyna izgi lebizin arnady. Al ansambl dırektory Elýbaı Kenjalıev jınalǵan ónersúıer qaýymǵa alǵysyn bildirdi.
Kesh barysynda ánshi О́mirqul Aınııazov «Túrkistan», «Qazaqstan – atamekenim» ánderin shyrqady.
Aıta keteıik, bıyl «Saltanat» memlekettik bı ansambline – 70 jyl tolyp otyr. Osy aıtýly mereıtoıǵa oraı alǵash ret «Bı kerýeni» atty joba elimizdegi tarıhı, mádenı turǵydan asa mańyzdy oryn alatyn kıeli Túrkistan qalasynan bastaý aldy. Kórermen erekshe áserge bólenip, óner ujymyna qurmet-qoshemet kórsetti.
Ansambldiń balet ártisteri gastroldik sapar kezinde Túrkistan qalasynyń turǵyndarymen Dımash Qudaıbergen oryndaıtyn «Taý ishinde» ánine fleshmob túsirdi. Atalǵan ansambl óskeleń urpaqqa ǵajaıyp óner arqyly jastardyń ulttyq patrıottyq sana-sezimin qalyptastyrý jolynda aıanbaı óner kórsetip
keledi.
«Bı kerýeni» jobasy aıasynda Túrkistan men Shymkent qalalarynda sheberlik saǵattary uıymdastyrylyp, óńirdegi bı ujymdaryna tájirıbeli mamandar bı óneriniń qyr-syrymen bólisti. Sheberlik saǵatyna Túrkistan qalasynan 200, Shymkent qalasynan 100-den asa horeograf qatysty. Ár qatysýshyǵa tegin sertıfıkat tabystaldy. Bul joba kúzde Batys, Shyǵys, Soltústik Qazaqstan óńirinde jalǵasady.
Alýa Murathanqyzy,
L.N.Gýmılev atyndaǵy EUÝ-dyń 3-kýrs stýdenti
