ASTANA. 6 mamyr. Búgin ÝEFA Chempıondar lıgasy jartylaı fınaldyq básekesiniń ekinshi oıyny ótedi. Atalǵan synda «Barselona» (Barselona, Ispanııa) óz alańynda «Bavarııany» (Mıýnhen, Germanııa) qabyldaıdy. Bul týraly egemen.kz habarlady.
Keshe túnde jartylaı fınaldyń alǵashqy oıyny ótip, «Iýventýs» óz alańynda Madrıdtiń «Realyn» 2:1 esebimen jeńgeni belgili.
Endigi kezekte ádettegideı búgingi oıynǵa qatysty keıbir qyzyqty derekterge nazar aýdaraıyq.
- «Bavarııa» «Barselonanyń» alańynda ótkizgen sońǵy 4 oıynnyń 3-ýinde jeńiske jetti.
- Búginge deıin qos komanda eýrokýbok básekeleriniń jartylaı fınalynda eki ret kezdesken. Onyń sońǵysy osydan eki jyl buryn bolǵany esimizde. Chempıondar lıgasynyń 2012-2013 jylǵy maýsymynda bolǵan sol oıynda «Bavarııa» eki kezdesý nátıjesi boıynsha 7:0 esebimen jeńiske jetken bolatyn. Al alǵash ret 1995-1996 jylǵy maýsymda ÝEFA kýbogynyń jartylaı fınalynda joldary túıisti. Ol kezde de nemister jalpy nátıjede 4:3 esebimen basym tústi.
- 2008-2009 jylǵy maýsymda eki komanda Chempıondar lıgasynyń shırek fınalynda kezdesti. «Barselonanyń» sol kezdegi bas jattyqtyrýshysy Hosep Gvardıola («Bavarııanyń» qazirgi bas jattyqtyrýshysy) edi. Sol joly Ispanııada ótken alǵashqy matchta «Barselona» 4:0 esebimen jeńiske jetti. Al qarymta oıynda qarsylastar teń tarqasty (1:1).
- Chempıondar lıgasynyń 1998-1999 jylǵy maýsymynda eki komanda bir topqa tústi. Ol kezde «Barselonanyń» qazirgi bas jattyqtyrýshysy Lýıs Enrıke osy komandanyń oıynshysy bolatyn. Ol kezde eki oıyn nátıjesi boıynsha mıýnhendikter 3:1 (1:0, 2:1) esebimen jeńiske jetti. Sol maýsymda «Bavarııa» fınalǵa deıin jetip, sheshýshi oıynda «Manchester Iýnaıtedke» ese jibergeni esimizde. Dál sol fınaldyq báseke fýtbol tarıhyndaǵy eń jarqyn oıyndardyń biri retinde hatqa túskeni de belgili.
- «Bavarııa» tarıhynda Chempıondar lıgasyn 5 márte jeńip alǵan. Sondaı-aq, búginge deıin osy saıystyń fınalynda 10 ret oınaǵan. Al týrnırdiń 4 dúrkin jeńimpazdary «Barselona» 7 ret fınalǵa shyqqan.
Komandalar myna quramda alańǵa shyǵýy múmkin.
