Sýretti túsirgen – Mádı ǴUBAIDÝLLIN
Is-sharaǵa Batys Qazaqstan oblysynyń ákimi Narıman Tóreǵalıev qatysyp, jármeńkeniń mán-mańyzyn atap ótti.
– Halyqtyń ál-aýqatyn kóterý, olardy jumyspen qamtý, áleýmettik qorǵaý – qashanda qoǵamdaǵy ózekti másele. Ásirese azamattardyń jumysqa ornalasýyna memleket tarapynan qoldaý bildirý isi Memleket basshysynyń basty nazarynda tur. Biz óńir turǵyndaryn jumysqa ornalastyrý, memlekettik baǵdarlamalardyń ıgilikterin halyqqa túsindirý maqsatynda «Talpyn» múmkindikter alańy sharasyn uıymdastyryp otyrmyz, – dedi oblys ákimi.
О́ńir basshysynyń aıtýynsha, 2022–2024 jyldar aralyǵynda oblysta jańa bıznes ıdeıalardy iske asyrý úshin 1800 azamatqa arnaıy grant berilgen eken. Al bıyl taǵy 445 adamǵa osyndaı grant berý josparlanǵan. «Aýyl amanaty» baǵdarlamasy aıasynda 2024 jyly oblysta 268 shaǵyn nesıe berilip, 2,5 mlrd teńge qarajat bólinse, bıyl jobany iske asyrýǵa 5,5 mlrd teńge bólinip, 815 joba qarjylandyrylmaq. «Osy arqyly 886 jumys orny qurylady dep otyrmyz. Qabyldanyp jatqan sharanyń barlyǵy – memleket tarapynan turǵyndarǵa kórsetilgen úlken kómek», dedi Narıman Tóreǵalıuly.
Memleket basshysynyń «Jumysshy mamandyqtary jylyn» jarııalaýy da qarapaıym eńbek adamdaryna degen qurmetti arttyryp otyr. Jyl basynan beri oblysta bos jumys oryndary jármeńkesi 22 márte uıymdastyryldy. Olarǵa jalpy sany 368 jumys berýshi qatysty. Nátıjesinde, 118 jumys izdeýshi turaqty jumysqa ornalasty.
Bul jolǵy is-sharaǵa 79 jumys berýshi qatysyp, 1 282 bos jumys ornyn usyndy. Olardyń qatarynda QPO, «Kúbileı», «Uniserv», «Zenıt» zaýyty sekildi iri mekemeler men jeke kásipkerler, memlekettik mekemeler bar. Bir ereksheligi, jıyn kezinde osy alańda tájirıbeli kásipkerler men jastardyń ashyq kezdesýi ótti. Kezdesýde spıkerlerge suraq qoıǵan, belsendi bolǵan qatysýshylarǵa motıvasııalyq kitaptar syıǵa tartyldy. Osyndaı syılyqtyń birine Jahansha Dosmuhameduly atyndaǵy joǵary pedagogıkalyq kolledjdiń 4-kýrs stýdenti Jámılá О́tepova ıe boldy.
Jármeńke kezinde «Aýyl amanaty» baǵdarlamasy men «Bir aýyl – bir ónim» jobalary nátıjesinde óndirilgen taýarlar saýdaǵa shyǵaryldy. «Talpyn» – múmkindikter alańy» is-sharasy jumys izdep júrgen mamandardyń jumys tabýyna ǵana emes, jańa kásip týraly oılaýyna da jol ashty.
Batys Qazaqstan oblysy
