Foto: Úkimettiń baspasóz qyzmeti
Kezdesý aıasynda QazaqGaz ulttyq kompanııasy men Shandong Energy Group Co. arasynda Qaraǵandy oblysynda kómirden gaz óndiretin jańa óndiris ornyn salý josparlary nazarǵa alynǵan. Jobanyń jyldyq qýattylyǵy 2 mıllıard tekshe metr gaz. Sonymen qatar, jobanyń iske asýy 1,5 myń turaqty jumys ornyn qurýǵa múmkindik beredi.
Oljas Bektenov Qazaqstan Úkimeti Qytaı Halyq Respýblıkasymen jan-jaqty ekonomıkalyq yntymaqtastyqty damytýǵa, sonyń ishinde kómir hımııasy salasynda ózara tıimdi jobalardy iske asyrýǵa úlken mán beretinin atap ótti.
О́z kezeginde, Shandong Energy Group basqarma tóraǵasy Lı Veı Qazaqstanmen áriptestikti nyǵaıtýǵa jáne ónerkásiptik jobalarǵa ınvestısııa salýǵa qyzyǵýshylyq tanytty. Ol Qazaqstan naryǵyndaǵy kómir hımııasy salasynyń bolashaǵyn joǵary baǵalaıtynyn jetkizdi.
Kezdesý sońynda taraptar ózara tıimdi kelissózderdi jalǵastyryp, jobany tabysty iske asyrý úshin birlesken is-qımyl men ashyq dıalogqa daıyn ekendikterin málimdedi.
