Kerek derek

Qujatta mynadaı derekter qamtylǵan: qamqorshynyń JSN men TAÁ, týǵan kúni, sondaı-aq qamqorlyǵyndaǵy azamattyń JSN men TAÁ, týǵan kúni, qam­qor­shyny taǵaıyndaý týraly buıryqtyń nómiri men kúni, sonymen qatar «Jaramdy kúni» týra­ly aqparat bar. Qujattyń túp­nusqalyǵyn rastaý úshin QR-kod qarastyrylǵan. Ony skaner­legen kezde bir táýlik boıy jaram­dy sıfrlyq nusqasy ashylady.

Qujat «Sıfrlyq qujattar» bóliminde «Qujattardy jańar­tý» batyrmasyn basqannan keıin, zańdy ókil mártebesi rastalǵan qoldanýshylarda avtomatty túrde paıda bolady.

Qamqorshy mártebesin resmı túrde rastaý qajet bolatyn jaǵdaıda – memlekettik tólem­derdi alý, bankke, medısı­na­lyq mekemelerge jáne basqa uıymdarǵa júginý kezinde – buıryqtyń elektrondyq nusqa­sy qajet bolýy múmkin.

Kórsetiletin qyzmetti paıdalaný úshin: birinshiden, «eGov mobile» mobıldi qosymshasyna kirip, avtorızasııadan ótip, «Sıfr­lyq qujattar» bólimine ótý, ekin­shiden, «Otbasy» sanatynan qam­qorshylyq nemese qor­ǵan­­shylyq týraly málimetter­men tanysý, úshinshi, eger qujat kór­se­tilmese – «qujattardy jańar­­tý» batyrmasyn basý qajet.

Jańa qyzmet  Sıfrlyq damý, ınnovasııalar jáne aeroǵarysh ónerkásibi mınıstrligi Memle­ket­tik kórsetiletin qyzmetter komıtetiniń, «Ulttyq aqparat­tyq tehnologııalar» AQ,  Eńbek jáne halyqty áleýmettik qor­ǵaý mınıstr­ligi jáne «Eńbek resýrs­ta­ryn damytý ortalyǵy» AQ yntymaqtastyǵymen júzege asyryldy.

Azat ESEN