Sonymen III dárejeli «Barys» ordenimen medısına ǵylymdarynyń doktory, memleket qaıratkeri Vasılıı Devıatko marapattaldy. «Parasat» ordenin «Ulttyq medısınalyq qaýymdastyq» respýblıkalyq qoǵamdyq birlestiginiń prezıdenti Aıjan Sadyqova aldy. «Qurmet» ordenimen A.N.Syzǵanov atyndaǵy UǴHO jalpy hırýrgııa bóliminiń meńgerýshisi Erlik Nurlanbaev marapattaldy. «Qazaqstannyń eńbek sińirgen dárigeri» qurmetti ataǵy otorınolarıngolog-dáriger Aısulý Nurmaǵambetovaǵa berildi.
Darhan Satybaldy densaýlyq saqtaý salasynyń turaqty damýy kásibı bilikti, isine shynaıy berilgen ári myqty mamandardyń arqasynda ekenin ótip, Memleket basshysynyń atynan barlyq medısına qyzmetkerine jankeshti eńbegi úshin alǵys bildirdi.
«Biz úshin sapaly medısınalyq kómektiń qalanyń barlyq aýdandarynda qoljetimdi bolýy mańyzdy. Biz el Prezıdenti belgilegen baǵytty jalǵastyramyz. Atap aıtsaq, ınfraqurylymdy jańartý, mekemelerdi tehnıkalyq qaıta jaraqtandyrý, kadrlyq áleýetti damytý jáne aýrýhanalarda da, emhanalarda da medısınalyq qyzmettiń qoljetimdiligin arttyrý», dedi Almaty ákimi kezdesýge qatysýshylarǵa arnaǵan sózinde.
