Foto: Aqorda
Erlan Qarın óskeleń urpaqty qoldaýǵa jáne olardy jan-jaqty damytýǵa baǵyttalǵan júıeli memlekettik sharalar týraly málimet berdi. Sonymen qatar balalardyń quqyǵyn qorǵaý Prezıdent Qasym-Jomart Toqaev júrgizip otyrǵan saıasattyń basym baǵytynyń biri ekenin atap ótti.
Memlekettik keńesshi bir jyl buryn Áıelder men balalardyń quqyǵyn qorǵaý týraly zań kúshine engenine nazar aýdardy. Sarapshylardyń paıymdaýynsha, qabyldanǵan zańnyń jáne memleket júzege asyryp jatqan naqty sharalardyń nátıjesinde Qazaqstanda áıelder men balalardyń quqyǵyn qorǵaýdyń ozyq zańnamasy men pármendi júıesi qalyptasty.
Mysaly, bıylǵy 5 aıdyń qorytyndysy boıynsha kámelet jasqa tolmaǵandarǵa qarsy jasalǵan jynystyq sıpattaǵy qylmys sany 21,3 paıyzǵa, al pedofılııamen baılanysty qylmys 40,7 paıyzǵa azaıǵan.
Mektepterge «111» memlekettik baılanys ortalyǵynyń QR-kody ornatylǵannan keıin balalar arasyndaǵy zorlyq-zombylyq, býllıng, kúrdeli psıhıkalyq-emosııalyq jaǵdaılardy anyqtaý kórsetkishi artty. Bıyl bes aıdyń ishinde 86 myńnan asa bala atalǵan qyzmet túrine júgingen. Sonyń ishinde 2 myńnan asa bala zorlyq-zombylyqtan, býllıngten, synyptastarymen, ata-anasymen kúrdeli qarym-qatynastan kúızeliske túskenin aıtyp kómek suraǵan. Balalardyń ózine-ózi qol jumsamaq bolǵany jóninde 28 oqıǵa anyqtalyp, qaterdiń der kezinde aldyn alǵan.
Erlan Qarın IýNISEF keńsesimen óte tyǵyz ári nátıjeli yqpaldastyq qalyptasqanyn aıtty. Memlekettik keńesshi balalardyń quqyqtaryn qorǵaýǵa qatysty elimizdiń birqatar júıeli bastamalaryn qoldaýda IýNISEF keńsesiniń mańyzdy róline erekshe toqtaldy.
О́z kezeginde Rashed Mustafa Sarvar IýNISEF-tiń Qazaqstandaǵy keńesi atqaryp jatqan jumys týraly aıtyp, keleshek jumys josparyn, oı-pikirlerin bólisti.
Kezdesý qorytyndysy boıynsha taraptar ózara qarym-qatynastyń aldaǵy baǵyttaryn aıqyndap, urpaq múddesi úshin áriptestikti kúsheıte túsýge jáne birlesken bastamalardy júzege asyrýǵa daıyn ekenin jetkizdi.
