Atyraýda jalǵan kásiporyndar 380 mln. teńge salyqtan jaltarǵan

ATYRAÝ. 4 tamyz. Atyraý oblysynda zańsyz paıda tabý maqsatymen qurylǵan jalǵan kásiporyndar bıýdjetke 380 mıllıon teńgeniń salyǵyn tóleýden jaltaryp kelipti. Bul týraly oblystyq prokýratýra habarlady. Prokýratýra organdarynyń qyzmetkerleri bıýdjetke túsýi tıis salyqty tóleýden jaltarǵan jalǵan kásiporyndardyń bar ekenin anyqtady. Tekserý barysynda anyqtalǵan jalǵan kásiporyndardyń tirkelýin zańsyz dep taný týraly sot organdaryna talap-aryz joldandy. Qazirge deıin sot sheshimimen osyndaı 14 talap-aryz qanaǵattandyryldy. Atyraý oblystyq prokýratýrasy basqarma basshysynyń mindetin atqarýshy Temirbek Dárjanovtyń málim etkenindeı, sot «Marabaeva T» jeke kásipkerliginiń, «Jańabyl», «Shylaq-Elıtservıs» jáne «Romeda–Stroıproekt» seriktestikteriniń qyzmetterin toqtatýǵa sheshim shyǵardy. О́ıtkeni, bulardyń 380 mıllıon teńge kólemindegi salyqty tóleýden jaltaryp kelgeni dáleldenip otyr. Joldasbek Shópeǵul. Derek: Atyraý oblystyq prokýratýrasy. Sýret: palata.otgroup.kz.