Dúnıejúzilik banktiń qoldaýymen, Ulttyq statıstıka bıýrosy tarapynan júzege asqan bul tásil týrıstik aǵyndar monıtorınginiń jańa deńgeıine shyǵýǵa múmkindik beredi.
Endi dástúrli statıstıkada buryn eskerilmegen bir kúndik saparlar men ornalastyrýsyz saparlardy qosa alǵanda, adamdardyń naqty qozǵalysy júıede tirkeledi. Osynyń arqasynda statıstıka naqtylanady.
2023 jylǵy shildeden 2024 jylǵy shildege deıingi aralyqta uıaly baılanys operatorlarynyń biriniń derekter bazasynda iske asyrylǵan jobanyń aldyn ala nátıjeleri mańyzdy qorytyndylar jasaýǵa múmkindik berdi.
- Ishki saparlardyń 60% -dan astamy - bir kúndik saparlar.
- Eń joǵary týrıstik aǵyn jaz aılarynda jáne mereke kezeńinde - ásirese Naýryz, Jańa jyl jáne Jeńis kúninde baıqaldy.
- Úıden tys túneý sany boıynsha rekord 2024 jylǵy 21 naýryzda, kóktemgi demalystyń qyzý kezinde tirkeldi.
- Astana turǵyndary qashyqtyqtaǵy aıyrmashylyqtarǵa qaramastan, Aqmola oblysy men Almatyǵa sapardy jıi tańdaıdy.
- Eń joǵary jáne eń tómen belsendi aılar arasyndaǵy úsh ese aıyrmashylyǵy bar aıtarlyqtaı maýsymdyq týrızm salasynda josparlaý úshin jańa múmkindikter ashady.
Osy máselelerdiń barlyǵy Dúnıejúzilik bank ókilderiniń qatysýymen ótken taqyryptyq semınarda jáne jumys kezdesýinde talqylandy, onda aldyn ala nátıjeler usynylyp, damýdyń kelesi qadamdary belgilendi. Halyqaralyq sarapshylar Qazaqstannyń statıstıkany sıfrlandyrý jáne jańa derekter kózderin damytýdaǵy ilgerileýin oń baǵalady. Qazaqstan mobıldi derekterdi taldaý algorıtmderin ázirleýde halyqaralyq áriptes - estonııalyq Positium kompanııasymen tyǵyz yntymaqtastyqty jalǵastyrýda.
«Qazaqstan búkil TMD men óńir úshin sandyq statıstıka standartyn belgileıdi. Bul joba - jaı ǵana tehnıkalyq jańalyq emes, týrıstik aǵyndardy ólsheý tásilin ózgertetin jáne taldaý kókjıegin keńeıtetin naǵyz serpilis» deıdi DB ókili M.Nebıler
Búgingi kúni baılanys operatorlarymen kelisimderge qol qoıý boıynsha jumys júrgizilýde, bul qamtýdy keńeıtýge jáne týrızmde ǵana emes, kóshi-qon salasynda da utqyr pozısııalaý negizinde statıstıkany turaqty jarııalaýǵa kóshýge múmkindik beredi.
