Qaýipsizdik salasyndaǵy yntymaqtastyqtyń mańyzy zor

Ǵızat Nurdáýletov baıandamasynda yntymaqtastyqtyń naqty baǵyttaryna, sonyń ishinde terrorızm men ekstremızm qaýpine qarsy is-qımyl salasyna toqtaldy. Halyqaralyq ter­rorıstik uıymdar ózderi­niń ıdeologııasyn taratý, qoldaý­shylardy tartý jáne elderimizge kirý úshin kúnnen-kúnge kúsheıip kele jatqan jahandyq qaıshylyqtardy, sondaı-aq kóshi-qon úderisterin paıdalanatyny atap ótildi. Esirtki kontrabandasy jáne saý­dasymen, ásirese psıhoaktıvti zattar men sıntetıkalyq esirt­ki quraldarynyń jańa túrleri­niń taralýy jaǵdaıynda birles­ken kúres taǵy bir ózekti min­det bo­lyp qala beredi. Sondaı-aq kez­desý barysynda óńir­diń aqparat­tyq, ekologııalyq jáne sý-ener­getı­kalyq qaýip­sizdigi, kólik-logıstı­kalyq ınfraqurylymnyń ornyq­tylyǵy máseleleri qaraldy.

Eske sala ketsek, Orta­lyq Azııa elderi jáne Reseı Qaýipsizdik Keńesteri hatshylarynyń birinshi kezdesýi 2023 jyly maýsymda Almatyda ótken edi.

Osy sapary barysynda Ǵızat Nurdáýletov Ujymdyq qaýipsizdik týraly shart uıymy Qaýipsizdik keńesteri hatshylary komıtetiniń otyrysyna qatysty. Kezdesýge qatysýshylar UQShU-nyń jaýapty aımaǵyndaǵy ahýal bo­ıynsha pikir almasty. Sonymen qatar Tájik-aýǵan shekarasyn nyǵaıtý jónindegi nysanaly memleketaralyq baǵdarlamany naqty iske asyrý máselelerin qarady, halyqaralyq terrorızmge, esirtki aınalymyna, zańsyz kóshi-qonǵa qarsy kúres, sondaı-aq múshe memleketter­diń kıberqaýipsizdigin qamtama­syz etý jónindegi sharalardy talqylady.

Ǵızat Nurdáýletov áriptes­terine UQShU qyzmetiniń ózekti baǵyttary boıynsha Qazaqstannyń ustanymyn habardar etip, halyqaralyq uıym­dar týraly aqparat almasý jáne olar­dy qazirgi qaqtyǵystar jaǵdaıyn­da qaıta qurý qajet­tigin atap ótti.

UQShU sheńberinde ózara is-qımyl tetikterin odan ári jetil­dirýge jáne ujymdyq qaýipsizdik sala­syndaǵy úılestirýdi nyǵaı­týǵa qatysty birqatar qujatqa qol qoıyldy.

Budan bólek, Qazaqstan Res­pýb­lıkasy Qaýipsizdik Keńesi­niń hatshysy Cholpon-Atada I UQShU kıberqaýipsizdik jónindegi halyqaralyq konferensııasyna qatysty. Is-sharada kıberqaýipsizdikti qamtamasyz etý salasyndaǵy halyqaralyq yntymaqtastyq pen quqyqtyq retteý máseleleri qaraldy. Zamanaýı sıfrlyq tehnologııalar, sonyń ishinde jasandy ıntellektiniń jahandyq jáne aımaqtyq qaýipsizdikke áseriniń áleýetti aspektileri qarastyryldy.

Jıynǵa Qazaqstannan ýáki­letti memlekettik organdardyń ókilderi qatysty.