Keıingi jyldary óńirde densaýlyq saqtaý nysandaryn jóndeý, jabdyqtaý, jańadan salý jumystary qarqyndy júrgizilip keledi. «Aýyl – el besigi» memlekettik baǵdarlamasy men «Aýyldyq densaýlyq saqtaýdy jańǵyrtý» ulttyq jobasy aıasynda Ulan aýdanynda 5 jańa medısınalyq pýnkt salyndy, 4 ambýlatorııa jóndeýden ótti. Jańa emhana ǵımaraty zamanaýı standarttar men tehnologııalarǵa saı jabdyqtalǵan.
– Zamanaýı emhana turǵyndardyń ómir sapasyn jaqsartýǵa oń áser etetini sózsiz. Oblys basshylyǵy halyqtyń densaýlyǵyn saqtaý maqsatynda barynsha jumys atqaramyz, – dedi saltanatty sharaǵa arnaıy kelgen oblys basshysy Nurymbet Saqtaǵanov.
Emhanada dıagnostıka júrgizý úshin mıkrobıologııalyq, serologııalyq zertteýler júrgizýge múmkindik beretin bakterıologııalyq zerthana qarastyrylǵan. FGDS, kolono, vıdeokolonoskopııa, rentgen, mammografııa, flıýrografııa, ÝDZ, fızıoterapııa kabınetteri jumys isteıdi. Mekeme quramyna qysqamerzimdi emdelýge arnalǵan kúndizgi stasıonar, josparly, shuǵyl operasııalar jasalatyn operasııa blogi, stomatologııalyq, hırýrgııalyq kabınetter kiredi.
Sonymen qatar terapevt kabıneti men tórt shaqyrý sanaty boıynsha shuǵyl medısınalyq kómek bólimi jumys isteı bastady. Jaqyn arada jedel járdem stansasyn da jańa emhana ǵımaratyna kóshirý josparlanyp otyr.
Shyǵys Qazaqstan oblysy,
Ulan aýdany
