Jaıyq ózenine jiberilgen sý marjanynyń arasynda pilmaı, bekire jáne qortpa balyǵynyń shabaǵy bar.
«Tabıǵı mekendeý ortasyna 2,1 mln pilmaı, bekire jáne qortpa balyqtarynyń shabaǵy jiberildi. Bul 2025 jylǵa arnalǵan balyq resýrstarynyń ósimin molaıtý jónindegi memlekettik tapsyrys sheńberinde júzege asyryldy. Bıyl Atyraý bekire balyq ósirý zaýytymen jiberiletin balyq shabaqtarynyń kólemi 5 mln danany quraıdy. Qazir sý aıdyndarynda balyq qoryn molaıtý jumysy jalǵasyp jatyr», dep habarlady komıtettiń baspasóz qyzmeti.
Sý aıdynyna balyq shabaqtaryn jiberý jumysyna arnaıy komıssııa baqylaý júrgizdi. Komıssııa quramynda Jaıyq-Kaspıı oblysaralyq balyq sharýashylyǵy basseındik ınspeksııasynyń, Atyraý oblysy ákimdiginiń, «Qazaq Balyk» ZTB jáne «Balyq sharýashylyǵynyń ǵylymı-óndiristik ortalyǵy» JShS Atyraý fılıalynyń ókilderi bar.
