«Keshe jigittermen sóılesip, alǵys aıttyq. «Atyraý» fýtbol klýbynan 8 oıynshy ketedi. Bárin de nazardan tys qaldyrmaımyz. Klýbsyz qalsa, jumysqa ornalasýyna kómek beremiz», dep habarlady Dıdar Sydyqbek.
«Atyraý» fýtbol klýbynan ketetin oıynshylardyń arasynda 1 qaqpashy, 2 qorǵaýshy, 2 jartylaı qorǵaýshy men 3 shabýylshy bar. Qorǵanys shebinde oınaǵan Mereı Sapanovtyń jasy – 39-da. Onymen birge Amandyq Nábıhanov ta qorǵaýshy bolǵan.
Al, Ravıl Atyhanov pen Roman Chırkov jartylaı qorǵaýshy, Edige Oralbaı, Abzal Shoqan men Baǵdáýlet Zulfyqarov shabýylshy pozısııasynda dop tepti.
Sondaı-aq, 19 jastaǵy qaqpashy Sanjar Ernııazov – fýtbol klýbynan ketken 2 qaqpashynyń biri. Endi komanda quramynda 1 qaqpashy qaldy.
«Jańa bas jattyqtyrýshy ózge oıynshylardy qarym-qabiletin kóredi. Sodan soń sheshim qabyldaıdy. Aldaǵy dúısenbide jańa oıynshylardy tanystyra bastaımyz», dep málim etti Dıdar Sydyqbek.
