Irgeli jıynda belgili analıtıkter, saıasatkerler, qoǵam jáne din qaıratkerleri men jas kóshbasshylar «Birtutas qoǵamdar, turaqty bolashaq» uranymen búkil álemde birtutas ári turaqty kópmádenıetti qoǵam qurýdy kózdeıtin ınnovasııalyq sheshimder ázirleý barysyna mán berdi. Sondaı-aq olar bul baǵyttaǵy ıdeıalarmen bólisip, ozyq tájirıbelerdi talqylady.
Konferensııa aıasynda ótken dóńgelek ústelde M.Áshimbaev «Áralýandyqtaǵy birlik: kópmádenıetti qoǵamda dinaralyq jáne etnosaralyq dıalogti dáripteý» taqyrybynda sóz sóıledi. Kezdesýge Parlament depýtattary, Sıngapýrdyń Dinaralyq uıymdarynyń Prezıdenti, din qaıratkerleri, sarapshylar men jastar qoǵamdastyqtarynyń ókilderi qatysty. О́z sózinde palata spıkeri álemde geosaıası turaqsyzdyq beleń alǵan qazirgi kezde osyndaı kezdesýdiń mańyzdy ekenin atap ótti. Sondaı-aq ol Qazaqstan men Sıngapýrdy eki memlekettiń ishki jáne syrtqy saıasatynyń irgetasyn qalyptastyrǵan kópmádenıettilik pen ashyq dıalogke umtylys sııaqty ortaq qundylyqtar biriktiretinine nazar aýdardy.
«Keıingi jyldarda Qazaqstan men Sıngapýr arasyndaǵy ekijaqty yntymaqtastyq jańa sapaly deńgeıge kóterildi. О́zara is-qımyldyń qarqyny men aýqymy da aıtarlyqtaı artty. Bul rette eki eldiń seriktestigin odan ári nyǵaıtýdy jáne bar áleýetti tıimdi iske asyrýdy kózdegen joǵary memlekettik deńgeıdegi baılanystyń jandana túsýi mańyzdy ról atqarǵany anyq. 2023 jyly Sıngapýr Prezıdenti Halıma Iаkob Astanaǵa keldi. Bul Sıngapýr Prezıdentiniń Ortalyq Azııaǵa jasaǵan alǵashqy sapary boldy. Byltyr Qazaqstan Prezıdenti Qasym-Jomart Kemeluly Toqaev Sıngapýrǵa keıingi 20 jylda alǵash ret memlekettik saparmen keldi», dedi Senat tóraǵasy.
Sonymen qatar M.Áshimbaev rýhanı dıplomatııany ilgeriletý úshin ortaq kúsh-jigerdi biriktirýdiń mańyzdy ekenin tilge tıek etip, Sıngapýr bastamashy bolǵan Uıymshyl qoǵamdar jónindegi halyqaralyq konferensııanyń kóptegen aspektisi Qazaqstan ótkizip kele jatqan Álemdik jáne dástúrli dinder kóshbasshylary seziniń mıssııasymen úndes ekenin aıtty.
«Qazaqstan Táýelsizdiktiń alǵashqy kúnderinen bastap konfessııaaralyq kelisim men qoǵam birligin nyǵaıtýǵa yqpal etip keledi. Sıngapýrdyń 2003 jyly qabyldanǵan Dinı kelisim týraly deklarasııasy Álemdik jáne dástúrli dinder kóshbasshylary seziniń deklarasııasyndaǵy mańyzdy prınsıptermen sáıkes. Eki deklarasııada da kelisim tyńdaýǵa, qurmetteýge jáne jasampazdyqqa daıyn bolýdy kózdeıtin belsendi ári turaqty jumys ekeni aıtylady. Sondaı-aq bul bastamalar atalǵan salaǵa jastardy jumyldyrýǵa úlken mán beredi. 2023 jyly biz Álemdik jáne dástúrli dinder kóshbasshylarynyń sezi aıasynda Jas din kóshbasshylarynyń forýmyn ótkizýdi qolǵa aldyq. Bıylǵy qyrkúıekte Astanada VIII Sezd aıasynda ekinshi forým ótedi. Biz sol is-sharaǵa qatysý úshin Sıngapýrdan keletin dinı konfessııalardyń jas ókilderin, ǵalymdar men zertteýshilerdi qýana qarsy alamyz», dedi M.Áshimbaev.
Kezdesýde rýhanı dıplomatııanyń ishki jáne syrtqy dıalogti jolǵa qoıý, teńgerimdi óńirlik saıasat júrgizý kezindegi uıystyrýshy róline joǵary baǵa berildi. Is-shara barysynda Qazaqstan men Sıngapýr negizgi ishki qundylyqtar – dıalog, toleranttylyq jáne ınklıýzıvtilikti ózderiniń syrtqy saıasatynyń negizine aınaldyrǵany da atap ótildi.
Aıta keteıik, Uıymshyl qoǵamdar jónindegi halyqaralyq konferensııa (ICCS) úsh jylda bir ret Sıngapýrdyń Mádenıet, qaýymdastyqtar jáne jastar mınıstrliginiń qoldaýymen ótkiziledi. Bastama qolǵa alynǵaly beri oǵan 50-den asa elden 2 myńnan asa qatysýshy kelgen.
Bıylǵy konferensııaǵa túrli dinı konfessııalardyń, sarapshylar qaýymdastyǵynyń kóshbasshylary, ǵalymdar, saıası qaıratkerler men belsendi jastar qatysty. Forým aıasynda bilim men tájirıbe almasýǵa basymdyq berilgen seksııalyq otyrystar, semınarlar, kóshpeli is-sharalar, ekspozısııalar jáne netvorkıng-sessııalar uıymdastyryldy.
