Kitap avtorlary – tanymal jýrnalıst, qoǵam qaıratkeri Tursyn Qalımova men aqyn, zertteýshi Serikbol Hasan. Olar bul eńbekte Ekinshi dúnıejúzilik soǵystyń qaharmany, qazaqtyń tuńǵysh ushqysh qyzy Hıýaz Dospanovanyń ómir jolyn, áskerı qyzmetin, maıdandaǵy batyrlyǵyn tarıhı derektermen, qujattarmen, esteliktermen baıandaı otyryp, búgingi urpaqqa jetkizýdi maqsat etken.
Munda Hıýaz apamyzdyń ómirine qatysty kóptegen tyń derekter jarııalanypty. Jas kezinen bastap, soǵys jyldaryndaǵy erligine deıingi oqıǵalarǵa sholý jasaldy. Hıýaz Dospanovanyń batyrlyǵy tek soǵystaǵy erligimen emes, beıbit ómirdegi azamattyq ustanymymen de erekshe baǵalanady.
Atalǵan eńbek Hıýaz apamyzdyń ómiriniń jarqyn sátteri men maıdan dalasyndaǵy erlik epızodtaryna toly. Hıýaz Dospanova syndy tulǵanyń erligin eske alý, ulyqtaý, keleshek urpaqtyń sanasyna sińirý jolyndaǵy mańyzdy qadam.
Kitaptyń ereksheligi – tiliniń jeńil, mazmunynyń tereń jáne jastarǵa baǵyttalýynda. Erlikti dáripteýmen qatar, oqyrmandy otansúıgishtikke tárbıeleıtin bul týyndy ásirese jasóspirimder úshin taptyrmas qural.
«Hıýaz Dospanova kim?» atty jańa kitap – eldik pen erliktiń, rýh pen namystyń aıǵaǵy. Ol tek ótkendi eske alý emes, bolashaqqa baǵdar berer mańyzdy mura. Endeshe, osyndaı tulǵalardyń taǵylymyn taný – ult bolashaǵy úshin asa mańyzdy qadam. Kitap – tarıhty sóıletetin, rýhty kóteretin, sanaǵa sáýle túsiretin qundy dúnıe.
Aqqý DО́NESh,
Arýjan QUSAIYN,
L.N.Gýmılev atyndaǵy Eýrazııa ulttyq ýnıversıtetiniń stýdentteri
