Semeı kóshelerinde – zamanaýı kólikter

Qazir qala aýmaǵynda 42 marshrýt jumys isteıdi. Oǵan 331 avtobýs tartylǵan. Oblys ortalyǵynda bes tasymaldaýshy jolaýshylarǵa qyz­met kórsetedi. Degenmen Semeı­diń avtobýs parki keıingi alty jylda jańar­maǵan, jańa avtobýs alynbaǵan.

Oblys ákimdiginiń qoldaýymen «Avto Trans Semeı» JShS Semeı­de jasalǵan 44 jańa avtobýsty satyp alyp, qalanyń kólik júıesin jańartty. Jańa kólikter qala tur­ǵyn­daryna jaıly salqyndatý júıe­simen jabdyqtalǵan. Endi Semeı jurty alǵash ret salqyn­dat­qyshy bar avtobýs­tarmen júretin bolady. О́ńir basshysy alda qala avtobýsy kezeń-kezeńimen jańartyla beretinin aıtty.

– Osydan bir aı buryn oblystyń damý josparyn tanys­tyr­ǵan kezde qalanyń avtobýs parkin jańartamyz dep ýáde bergen edik. Endi mine, 44 avto­býsty qala kóshelerine jibergeli turmyz. Onyń 30-y úlken, 14-i shaǵyn avtobýs. Bári de ózimizdiń Semeıde shyǵarylǵan, sapaly, básekege saı avtobýstar. Bul kólikterge basqa oblystar da qyzyǵýshylyq tanytyp otyr. Biraq zaýyt basshylyǵy birinshi bolyp bizge osyndaı múm­kindik týǵyzdy, – dedi oblys ákimi Berik Ýálı.

Kólikterdiń taǵy bir ereksheligi, Abaıdyń 180 jyldyǵyna oraı avto­býs­tardyń syrty uly aqyn beınesi bar logotıppen bezen­diril­gen. Ákimniń aıtýynsha, jyl sońyna deıin qaladaǵy jańa avto­býs­tardyń sany 70-ke jetip, keler jylǵa taǵy da 50 avtobýs halyq ıgiline jaratylmaq.

Abaı oblysy