Jasym 75-ten assa da, gazetti úzbeı alyp otyramyn. О́zime unaǵan maqalalardy qıyp alyp qoıamyn. Rýhanı qundylyqtar týraly, eleýli tulǵalar týraly maqalalardy unatyp oqımyn. Ásirese saraptamalar unaıdy. О́z mamandyǵym zootehnık bolǵan soń, aýyl sharýashylyǵy salasyna búıregim buryp turady. Gazette elimizdiń aýyl sharýashylyǵyn qalaı damytý jóninde saraptama materıaldar jıirek shyqsa, jaqsy bolar edi. Ázirge ondaı maqala azdaý sııaqty. Bizdiń jerimiz keń, aýyl sharýashylyǵyna kóbirek kóńil bólýimiz kerek. Sosyn ekonomıkanyń damý barysy jóninde mamandar pikiri, saraptama kóbirek bolsa ıgi. Árıne, bul taqyrypty tilshiler jazyp jatyr, biraq kásibı mamannyń jazýy bólek qoı.
Qazir baıqaǵanym, gazette aqparat, kúndelikti jańalyqtar basym beriledi. Al gazet aýylǵa, bizge jetkenshe ol jańalyqtyń máni qalmaıdy. Sondyqtan óz basym gazetten kólemdi saraptama kútemin. Keıingi kezderi maqalalardan Oljas Súleımenov týraly jazylǵan esse unady. Sosyn Ekinshi dúnıejúzilik soǵys – súıikti taqyrybym. Keıingi kezderi shyqqan Baýyrjan Momyshuly, Álııa Moldaǵulova týraly jaqsy maqalalardy tushynyp oqydym. Gazet ujymyna tabys tileımin!
Ýálıolla ÁBIShEV,
eńbek ardageri
Batys Qazaqstan oblysy,
Qaztalov aýyly
