Tarazda 2 mln. teńgeden asa shyǵyn keltirgen kúdikti ustaldy

TARAZ. 4 tamyz. Taraz qalasynda úı tonaýmen aınalysyp, 2 mln. teńgeden asa shyǵyn keltirgen kúdikti ustaldy. Bul týraly egemen.kz tilshisi habarlady. Taraz qalasy ishki ister basqarmasyna qarasty №3 polısııa bólimine oblys ortalyǵynyń turǵyny osy jyldyń 11 shildesinde belgisiz bireýler jasyryn túrde úıiniń terezesin buzyp kirip, altyn buıymdary men aqshasyn qoldy qylǵandyǵyn aıtyp aryzdanǵan bolatyn. Jábirlenýshiniń aıtýynsha, kúdikti túski ýaqytta, shamamen 16:00-de úı ıeleriniń jumysta ekendigin bilip, aram oıyn júzege asyrǵan. Urlanǵan shyǵyn mólsheri shamamen 35 myń teńgeni quraıdy. №3 polısııa bólimi qyzmetkerleriniń júrgizgen jan-jaqty, muqııat izdestirý is-sharalary nátıjesinde, qylmystyń «izi sýymaı» ashylyp, Taraz qalasynyń 1993 jylǵy turǵyny quryqtaldy. Sotqa deıingi jedel-tergeý sharalary barysynda polısııa qyzmetkerlerimen anyqtalǵandaı, ol buryn-sońdy osyndaı urlyqtardy bir ózi júzege asyryp júripti. Naqty aıtqanda, maýsym aıynda bir úıdi, shilde aıynyń ózinde 7 úı tonap úlgeripti. Qazirgi tańda 22 jastaǵy kúdiktige qatysty Qylmystyq kodekstiń 188-baby, 2-bólimimen is qozǵaldy. Ol kinásyn tolyq moıyndap, ýaqytsha ustaý ızolıatoryna ornalastyryldy. Jalpy alǵanda, kúdikti úı ıelerine 2 mln. teńgeden asa shyǵyn keltirgen. Sotqa deıingi tergeý amaldary jalǵasýda. Oralhan Dáýit. Derek: egemen.kz. Sýret: thenews.kz.