Dúkenderde arnaıy ornatylǵan flıýoroskop dep atalatyn qurylǵy aıaq kıimdi aıaqqa kıgen qalpynda rentgen arqyly súıek qurylymyn ekranda kórsetýge múmkindik beretin. Bul satyp alýshyǵa ǵana emes, satýshyǵa da qolaıly bolatyn. О́ıtkeni aıaq kıimniń tabanǵa qalaı ornyqqany, súıekterge qysym túsip-túspeıtini birden anyqtalatyn. Tipti balalarǵa da osy ádis jıi qoldanylǵan, ıaǵnı ata-analar aıaq kıimniń naqty saı keletinin rentgen arqyly qarap baryp satyp alatyn.
Alaıda ol kezeńde radıasııanyń densaýlyqqa uzaqmerzimdi zııany týraly ǵylymı dálelder az edi. Sondaı-aq qaýipsizdik normalary, sáýleniń shekti dozasy týraly erejeler múldem qalyptaspaǵan. Budan bólek qurylǵylar eshqandaı qorǵanyssyz qoldanylǵan, al satýshylar kún saıyn birneshe saǵat boıy flıýoroskop janynda turatyn.
Tek Ekinshi dúnıejúzilik soǵystan keıin ǵana ǵalymdar bul tájirıbeniń qaýipti jaǵyn baıqaı bastady. Rentgen sáýlesimen artyq áserlený – sáýlelik zaqym, teri aýrýlary, tipti onkologııalyq qaterge ákelýi múmkin ekeni belgili boldy.
Sol kezden bastap flıýoroskoptar dúkenderden alyna bastady. Degenmen keı elderde bul qurylǵylar 1970-jyldarǵa deıin qoldanylyp kelgen.
