Festıvalge jetekshi otandyq jáne sheteldik ǵalymdar, etnograftar, óner qaıratkerleri qatysty.
Baǵdarlamada etnografııalyq qoıylymdar, qymyz ashytý rásimi men ulttyq taǵamdardan dám tatý, qolóner sheberleriniń jumystary qoıylǵan kórmeler men tanystyrylymdar uıymdastyrylyp, etno-ansamblder men shyǵarmashylyq ujymdar óner kórsetti.
2018 jyly «Qymyzmuryndyq» dástúri IýNESKO-nyń adamzattyń materıaldyq emes mádenı murasynyń reprezentatıvtik tizimine endi. Bul – halqymyzdyń ómir salty, dúnıetanymy tabıǵatpen úndes ekeniniń aıǵaǵy. Atalmysh is-shara «Bozoq– О́ńirlerde» aksııasy aıasynda ótti.
Festıval Bozoq Ulttyq arheologııalyq parkiniń qurylýy týraly tarıhı-mádenı jobany keńinen nasıhattaý, sondaı-aq Eýrazııa dalalyq órkenıetteriniń materıaldyq emes murasyn saqtaý men qaıta jańǵyrtýdy maqsatynda uıymdastyryldy. Uıymdastyrýshylardyń aıtýynsha, ulttyq dástúrlerdi saqtaý – bul tek mádenı qundylyq qana emes, sonymen qatar jas urpaqtyń tarıhı sanasyn qalyptastyrý men rýhanı sabaqtastyqty nyǵaıtýdyń negizi.
2021-2023 jyldar aralyǵynda «Bozoq» mýzeı-qoryǵy dala etnografııasy boıynsha aýqymdy ǵylymı-zertteý ekspedısııalaryn júrgizip, nátıjesinde «Eýrazııa dalasynyń qymyz merekesi: leıtmotıv, jady jáne sáıkestik» atty ǵylymı jınaq jaryq kórdi. Sonymen qatar, «Qymyzmuryndyq» merekesi resmı túrde bekitildi.
