«Soile AI» múmkindikteri jedelhat boty, veb-ınterfeıs, mobıldi qosymsha jáne smart saǵat ıntegrasııasynan turady. Sondaı-aq táýlik boıy jumys isteıtin AI kómekshisi bar.
S.Asfendııarov atyndaǵy Qazaq ulttyq medısına ýnıversıteti endaýment qorynyń uıymdastyrýymen ótken «ANaMed» forýmynda «Soile AI» platformasynyń ereksheligimen tanystyryp, komanda músheleri arnaıy baǵdarmalardy túzý logoped, dárigerlerdiń kómegimen iske asqanyn aıtady.
Forýmda qazylar alqasynyń nazaryna usynylǵan 40-tan astam jobanyń ishinde oqýshylar usynǵan birden-bir joba – «Soile AI». Ýnıversıtet rektory Marat Shoranovtyń aıtýynsha, forýmǵa kelip túsken jobalardyń qaı-qaısysy da áleýeti zor ári qoǵamǵa asa qajet. Olardyń qatarynda stýdentterge arnalǵan veb-trenajer-zerthana, nashar kóretin jandarǵa arnalǵan arnaıy qurylǵy, dıabetti anyqtaýǵa kómektesetin ultaraq, ortodonttar men plastıkalyq hırýrgtarǵa arnalǵan bet-álpet, taǵy da basqa ázirlemeler bar. Oqýshylar ǵylymı zertteýlerdiń túrli kezeńderinen ótip, ýnıversıtettiń tehnoparkinde naǵyz ǵalym retinde jumys isteıtin bolady.
«Soile AI» jobasynyń avtory ári jetekshisi, Almaty oblysy Qarabulaq aýylyndaǵy №22 mekteptiń oqýshysy Úkili Omarovanyń aıtýynsha, platforma daýysty durys tanyp, sóılemdi túsinýge múmkindik beredi. Ol jaı ǵana tehnologııa emes, qoljetimdi, ınklıýzıvti qural. Serebraldy sal aýrýyna, parkınsonǵa shaldyqqan, qulaǵy nashar estıtin, ınsýlttan keıin kekeshtenip sóıleıtin naýqastar úshin qolaıly.
Komandada bes oqýshy bar. Jasandy ıntellektini sheber meńgergen oqýshylar ózderiniń baǵdarlamalaý, medısınaǵa ıkemdiligine, áleýmettik jelide jumys isteý múmkindigine qaraı joba joǵary deńgeıde jetildirýge tyrysty. «Búginde álemde 800 mln-nan astam adam sóıleý kemistiginen zardap shegedi. TMD elderinde bul kórsetkish 50 mln-nan asady. Munyń sebebi serebraldy sal aýrýy, ınsýlt, parkınson jáne basqa nevrologııalyq jaǵdaılarmen baılanysty bolýy múmkin. Biz serebraldy sal aýrýyna shaldyqqan balanyń jaǵdaıynda jumys istedik. Qazirgi kezde mamandardy qoldaý, pılottyq testileý jáne medısınalyq ortalyqtar, akademııalarmen áriptestik ornattyq», deıdi Úkili Omarova.
Búginde komanda elimizben qatar shetelderdegi konkýrstardyń jeńimpazy. Osydan 6 aı shamasynda bastalǵan joba «ITtest 2024 top-1» startabynda, TMD-da halyqaralyq áleýmettik jobalar konkýrsynda 1-oryn, «Infomatrix Asia 2025» jeńimpazy atandy. Halyqaralyq jasandy ıntellekt qaýymdastyǵynyń «AI-men densaýlyq saqtaýdyń úzdik bastamasyna» úmitker, bıyl «Central Asia Startup Cup», «MedTech» startaptarynyń halyqaralyq akselerasııasy, «Technovation Girls», halyqaralyq «ANaMed AI Challenge» jeńimpazdary qataryna endi.
Densaýlyq saqtaý salasyndaǵy startaptardyń respýblıkalyq kórmesine, KIHE 2025 halyqaralyq kórmesine qatysqan komanda jaqynda Astanada bolyp, óz jobalaryn «BI Group» kompanııasyna tanystyrdy. «BI Group» kompanııasy «Binom», «Quantum», jaıly mektepterge engizý úshin elimizdiń túkpir-túkpirinen bilim berý salasyndaǵy úzdik jobalardy izdestirgen bolatyn. Nátıjesinde, eń úzdik 4 jobanyń qatarynda atalǵan «Soile AI» mektepterge engiziletin bolady. Jaz aılarynda mektepterde, medısınalyq ortalyqtarda qanatqaqty joba retinde iske aspaqshy. Qazirgi tańda jobaǵa Koreıa, Japonııa, Qytaı, AQSh, О́zbekstan, Reseı tarapy qyzyǵýshylyq tanytyp otyr.
«Ǵylymdy kommersııalandyrý jónindegi odaq» RQB prezıdenti Qurmanǵazy Omarov atap ótkendeı, Prezıdenttiń elimizdi tolyǵymen sıfrly memleketke aınaldyrý tapsyrmasyn iske asyrýda oblystyq, respýblıkalyq konkýrstar men olımpıadalarda jeńiske jetken sapaly sıfrlyq jobalardy jasap jatqan mektep oqýshylardyń ǵylymı áleýeti joǵary. Barlyq óńirdegi «Astana hub» óńirlik bólimsheleri arqyly oqýshylardyń sıfrlyq jobalardy qurýyna júıeli qoldaý kórsetý qajet. Biraq ázirge elimizde kámeletke tolmaǵandardy qoldaý júıesi jetkiliksiz. Mundaı qoldaý bolmaıynsha, oqýshylardyń sapaly jobalary kásipkerlerdiń zańdy, qarjylyq jáne ákimshilik múmkindikterinen tys qalyp qoıady. Sondyqtan odaq tarapynan oqýshylardyń jobalaryn iske asyrýdy júıeli qoldaý baǵyty oılastyrylyp jatyr.
ALMATY
