Foto: Úkimettiń baspasóz qyzmeti
Baǵdarlama sheńberinde eldi mekenderde sý qubyry jelilerin tartý, rekonstrýksııalaý jáne keńeıtý jumystary qarqyndy júrip jatyr. Uzyndyǵy 8,5 myń shaqyrymnan asatyn jeliler jańartylyp, jańa nysandar iske qosylýda. Sonymen qatar, iri qalalarda sý tazartý qurylystary jańartylyp, keıbiri tolyq aıaqtalǵan.
«Astana qalasynda quny 118 mlrd teńge bolatyn sý sorǵy-fıltr stansasy salynyp, magıstraldyq sý qubyry qaıta jańǵyrtyldy. Atyraýda 17 mlrd teńge somaǵa súzgi stansasyn qaıta jańartý jumystary aıaqtaldy jáne Qostanaı men Kókshetaýda sý tazartý qurylystaryn jańǵyrtý aıaqtalýǵa jaqyn», dep habarlady Úkimettiń baspasóz qyzmeti.
Jobalar halyqty sapaly aýyz sýmen qamtamasyz etý, sýmen jabdyqtaý júıeleriniń turaqtylyǵyn arttyrý jáne ınfraqurylymdy jaqsartý maqsatynda júzege asyrylyp jatyr.
