Soǵys ardagerleri kommýnaldyq tólemderden bosatyldy

2015 jyly UOS qatysýshy­lary men múgedekterge, olarǵa teńestirilgen tulǵalarǵa, tyl eń­­bekkerlerine jáne UOS Jeńis­­ke úles qosqan Qazaq­stan Res­­pýblıkasynyń ózge de azamat­taryna birjolǵy materıal­dyq kómek berý úshin respýb­lıkalyq bıýdjetten 289,8 mln. teńge, oblystyq bıýdjetten 200,1 mln. teńge bólindi. Árbir 240 Uly Otan soǵy­synyń ardagerleri men múgedek­terine 250 myń teńge, al tyl eńbekkerlerine jergilikti bıýdjetten 25 myń teńge mólsherinde qarajat bólinýde. Aǵymdaǵy jyldyń 1 naýryzynan bastap oblysymyzdaǵy Uly Otan soǵysyna qatysýshy­lar men múgedekterine jáne tyl eńbekkerlerine járdemaqy tóleý bastaldy. Batys Qazaqstan oblysynda ótken jyldan bastap Uly Otan soǵysynyń qatysýshylary men múgedekterine jáne Lenıngradta qorshaýda, konslagerde tutqynda bolǵan adamdarǵa aı saıynǵy kommýnaldyq shyǵyndardy óteý úshin aı saıynǵy áleýmettik kómektiń kólemi 5 aılyq eseptik kór­setkishke, ıakı 9910 teńge­­­­­­ge deıin ulǵaıtyldy. Bul óz keze­ginde ardagerlerimizge jylytý jáne jylytýdy qajet etpeıtin merzimdi eskere otyryp, aı saıyn­ǵy kommýnaldyq qyzmetter tóle­minen bosatýǵa múmkindik berýde. «Memleket basshysy Nur­sultan Ábishuly Nazarbaev árbir ardagerdi, aǵa býyn ókilderin umytpaı, olarǵa qurmet kórsetý – bizdiń basty boryshymyz ekenin árdaıym basa aıtyp keledi. Mine, sodan beri talaı ur­paq jańǵyryp, zaman jańardy. Uly Otan soǵysy kezindegi eldiń ­el­digi men erdiń erligi eshýaqyt­ta umy­tylmaıdy. Qaıta jyl ótken saıyn sol soǵystaǵy Uly Jeńis týy jelbirep, aıbyny arta túsedi», – dedi oblys ákimi Nurlan Noǵaev. Temir QUSAIYN, «Egemen Qazaqstan». ORAL.