Eńbek • 01 Shilde, 2025

Aqtóbede kópqabatty úılerdiń aýlasy abattandyryldy

60 ret

kórsetildi

1 mın

oqý úshin

Aqtóbe qalasynda aýqymdy aýla aýmaqtaryn keshendi abattandyrý jobasy iske asyrylyp jatyr. Joba barysynda turǵyndardyń pikirleri eskerilip otyr. Aýlalardyń birinde – turǵyndar suranysy boıynsha avtoturaqtar keńeıtilse, endi birinde – balalar jáne sport alańdary salynyp jatyr, dep jazady Egemen.kz.

Shyńǵys MUQAEV

Aqtóbede kópqabatty úılerdiń aýlasy abattandyryldy

Foto: Aqtóbe oblysy ákimdigi

Jaıaý júrginshiler joldaryn tóseý, asfalt astyna geotorlar ornatý, kireberisterdi asfalttaý, bordıýr ornatý, jańbyr sýyn aǵyzý júıesi, jaryqtandyrý, oryndyqtar-qoqys jáshikterin ornatý sekildi birneshe baǵyt boıynsha júrgizilip, jóndeý jumystary 158 kópqabatty turǵyn úıdiń aýlalaryn qamtyp otyr.

Baǵdarlama qaýipsizdikke basymdyq beredi. Aýla keńistigin jaıly etý arqyly jergilikti bılik balalardyń úı mańynda erkin oınaýyna, ata-analardyń olardyń qaýipsizdigine alańdamaýyna jaǵdaı jasaýdy kózdeıdi.

Aqtóbe oblysy ákimdiginiń málimetinshe abattandyrý jumystary munymen shektelmek emes: kelesi jyly taǵy 100 aýla jóndelmek.

Kógaldandyrý jumystaryna da erekshe nazar aýdarylyp, aǵashtar men butalar otyrǵyzý josparǵa engizilgen. Bul baǵyttaǵy mindet turǵyn úı ıeleriniń birlestikterine júktelip, jasyl aımaqtar men olardyń kútimi úshin jaýapty bolady.