Beınebaqylaý kómegimen 4 myńnan astam qylmys ashyldy

Aqmola oblystyq ishki ister departamentiniń baspasóz hatshysy Gúlnar Pınchýktiń habarlaýynsha, jyl basynan beri beınebaqylaý arqyly 4383 ákimshilik quqyq buzýshylyq pen 40 qylmystyń beti ashylǵan. Sonyń arqasynda urlyq, tonaý, buzaqylyq, ózgeniń kóligin minip ketý sekildi basqa da keleńsiz jaǵdaılardy der kezinde aldyn alýǵa múmkindik týdy. Máselen, jýyrda oblys orta­lyǵyndaǵy dúkenderdiń birinde qala turǵynynyń 60 myń teńge aqshasy men áshekeılik alqasy qoldy bolǵan edi. Polısııa qyzmetkerleri jedel-izdestirý sharalary barysynda Kókshetaý qalalyq ishki ister basqarmasynyń jedel basqarý ortalyǵyndaǵy beınebaqylaý kameralaryna túsip qalǵan 22 jastaǵy eki azamatty tutqyndady. Quryqtalǵandardyń ústinen QR QK 191-babynyń 2 bólimimen (tonaý) qylmystyq is qozǵaldy. Olar ýaqytsha oqshaýlaý ızolıatoryna toǵytyldy. Qazirgi kúni Kókshetaý qala­sy­nyń kóshe qıylystarynda, tur­ǵyn úı aýlalarynda, qoǵamdyq oryn­dar­da 103 beınebaqylaý kamerasy qoıylyp, onyń oń nátıje berip otyrǵanyn aıta ketkimiz keledi.  Baqbergen AMALBEK, «Egemen Qazaqstan». Aqmola oblysy.