Panfılov aýdany Úlkenshyǵan aýylynyń turǵyny Toılybaı Dombaǵulov atalǵan aýyldaǵy orta mekteptiń tehnıkalyq jaǵdaıy syn kótermeıtinin qozǵady.
«Bilim oshaǵy sonaý 1982 jyly salynǵan. Búginde nysannyń jaǵdaıy óte nashar, oqýshylar úshin asa qaýipti. Tozyǵy jetken mektepte 33 jyl boıy jóndeý jumysy júrgizilgen joq. Aýyl turǵyndary tarapynan aryz-shaǵym jıi aıtylady. Kúrdeli jóndeý júrgizýge qajet jobalyq smetalyq qujat pen saraptama daıyndalyp jatyr. Osyǵan baılanysty, jóndeý jumysyna qajet qarajattyń bólinýine yqpal etýińizdi suraımyn», dedi ol.
Bul rette Rýslan Qojasbaev keıingi 3 jylda óńirde bilim berý salasyna qatysty 20 nysan salynǵanyn jáne olardyń 15-i bilim oshaǵy ekenin aıtyp, Úlkenshyǵan aýylyndaǵy mekteptiń qazirgi jaǵdaıy da nazardan tys qalmaıtynyn jetkizdi.
Al Taldyqorǵan qalasynyń turǵyny – birinshi top múgedegi Gúlnara Muhametjanova «Otbasy Bank» AQ arqyly bir bólmeli páterge maquldaý alǵanyn, alaıda baspanasy onyń erekshe qajettiligine saı kelmeıtinin aıtty.
О́z kezeginde depýtat byltyr «AMANAT» partııasynyń «Kedergisiz keleshek» jobasy aıasynda el aýmaǵyndaǵy áleýmettik jáne kólik ınfraqurylymy nysandarynyń múmkindigi shekteýli azamattarǵa qoljetimdiligin qamtamasyz etýge taldaý júrgizilgenin habarlady. Sonyń aıasynda 4,8 myń ınfraqurylym nysany men 1,6 myń qoǵamdyq kólikti qamtyǵan 2,3 myńnan astam reıdtik is-shara uıymdastyrylǵan. Nátıjesinde 1040 zań buzýshylyq anyqtalyp, olardy joıý boıynsha tıisti mekemelerge usynystar jiberilgen. Depýtat bul baǵyttaǵy jumys aldaǵy ýaqytta da jalǵasa beretinin jetkizdi.
О́ńir turǵyndary Qaratal aýdany Tastóbe aýyly mańyndaǵy Qaratal ózeniniń arnasyn tazalaý, bógetti qalpyna keltirý, jedel járdem júrgizýshileriniń jalaqysyn kóterý, orta býyn medısına qyzmetkerleriniń áleýmettik jaǵdaıyn jaqsartý, jastardy baspanamen qamtamasyz etý sııaqty máselelerdi de kóterdi.
Májilistiń Baspasóz qyzmetiniń málimetinshe R.Qojasbaev el aýmaǵynda azamattyq qyzmetshilerdiń jekelegen sanattarynyń jalaqysy 20 paıyzǵa artqanyn aıtty. Sondaı-aq bıyl alǵashqy alty aıda «AMANAT» partııasynyń «Taza beısenbi» aksııasy sheńberinde elimizdiń barlyq óńirindegi 600-den astam lastanǵan aýmaq – saıabaqtar, skverler, ózen-kól jaǵalaýlary, tarıhı-mádenı nysandar tazartylǵanyn málimdedi. Aksııaǵa 14 myńǵa jýyq adam qatysyp, 2 myń tonnadan astam qoqys jınalyp, qaıta óńdeýge jiberilgen.
«Byltyr «AMANAT» partııasynyń saılaýaldy baǵdarlamasy aıasynda óńirde 19 362 adam turaqty jumysqa ornalastyryldy. Oblys aýmaǵynda 363,2 myń sharshy metr turǵyn úı paıdalanýǵa berildi. Buǵan qosa 101,7 myń gektar jer memleket menshigine qaıtaryldy. Al kúni keshe Aqsý aýdanyna qarasty Kóltaban aýylyna baryp, 120 oryndyq jańa mekteptiń qurylys jumysymen tanystym. Mektep qurylysy 2023-2024 jyldary qarjylandyrýdyń bolmaýyna baılanysty ýaqytsha toqtap qalǵan edi. Bıyl respýblıkalyq bıýdjetten 1,9 mlrd teńge bólinip, jumys qaıta jandandy. Qazir nysannyń 63 paıyzy daıyn. Mektep ǵımaratynda 25 búldirshinge arnalǵan shaǵyn ortalyq ta bolady. Josparǵa sáıkes mektep bıyl qazan aıynda paıdalanýǵa beriledi», dedi depýtat.
Aıta ketelik, Rýslan Qojasbaev Jetisý oblysyna sapary aıasynda Aqsý aýdandyq ortalyq aýrýhana ǵımaratynyń qurylys jumysyn da nazarǵa aldy. Atalǵan jobanyń jalpy quny – 1,7 mıllıard teńge. Bul qarajat depýtattyń tikeleı aralasýymen respýblıkalyq bıýdjetten bólindi. Osylaısha, bıyl sáýir aıynda merdigerge 300 mıllıon teńge qarjy avans retinde aýdarylyp, qurylys qaıta jandandy. Qalǵan qarajat kezeń-kezeńimen bólinedi.
